ВАРЗИШ
Шанбе 20 Июл 2019 11:33
4616
Дар Чемпионати Осиё оид ба гӯштини юнонӣ-римӣ миёни ҷавонон варшигарони тоҷик ду медали биринҷӣ ба даст оварданд.

Ба иттилои Кумитаи миллии олимпӣ варзишгарони тоҷик Азмуддин Ваҳҳобов дар вазни 130 кило ва Бахтовар Ҳасанов дар вазни 72 кило сазовори медали биринҷӣ гардиданд.

Азмуддин Ваҳҳобов дар даври чорякфинал бар варзишгари Амороти Муттаҳидаи Араб Бадер Алӣ Аҳмаднур Ҳасан Алалӣ бо ҳисоби 9:0 ғалаба карда, дар нимфинал аз варзишгари мизбон Арйан Панвар бо ҳисоби 4:5 мағлуб гардид. Ӯ сипас дар рақобат барои ҷои сеюм бар варзишгари Ҷопон Акимишӣ Сакаӣ бо ҳисоби 8:0 пирӯз шуд.

Бахтовар Ҳасанов дар рақобати аввалаш варзишгари Чин Чуан Жангро бо ҳисоби 8:0 мағлуб кард, вале дар нимфинал аз варзишгари Қирғизистон Бексултон Назарбоев бо ҳисоби 0:5 шикаст хурд. Сипас, ӯ дар рақобат барои ҷои сеюм ҳарифаш Ҷиун Ҷонг аз Кореяи Ҷанубиро бо ҳисоби 9:0 мағлуб кард.

Мусобиқаи мазкур дар шаҳри Деҳлии Ҳиндустон баргузор гашта истодааст, ки 21-22 июл аз намуди гӯштини тарзи озод Гулов Саидҷон (57 кило), Қурбонбеков Муборакшо (65 кило) кишвари моро намояндагӣ мекунанд. Варзишгарони тоҷик таҳти роҳбарии мураббиён - Олимов Абдурозиқ ва Ҳомидов Мурод дар мусобиқа ҳунарнамоӣ доранд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Июл 2019 c.