Бо иқдоми Бахши кор бо ҷавонон ва варзиши ноҳияи Рӯшон дар дидбонгоҳи Пастхуфи қисми низомии 2848 - и Қӯшунҳои сарҳадии КДАМ - и Ҷумҳурии Тоҷикистон чорабиниҳои фарҳангию варзишӣ баргузор шуданд.

Дар он ҷавонони ноҳия, ҳайати шахсии аскарону афсарон ширкат ва баромад намуда, ба ғолибони мусобиқаҳои варзишӣ мукофотпулию ифтихорномаҳои бахш тақдим гардид.

Шуҳрат Алиев, масъули чорабиниҳо ва корманди бахш гуфт, ки ин ташаббус ба муносибати Рӯзи сарҳадбонони кишвар роҳандозӣ шуда, дар бозии волейбол, машқҳои сафороӣ, давидан ҷавонон ва сарбозон натиҷаҳои хубро нишон доданд.