Дар доираи нақша - чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва ризоияти Роҳбари Дастгоҳи иҷроияи Президенти Ҷумҳурии Тоҷикистон бо шиори “Дӯст ояд гарм дар оғӯш гир” 21 апрел як гурӯҳ ҷавонони фаъоли кишвар ба шаҳру ноҳияҳои вилояти Хатлон сафар карданд.

Пеш аз сафарб раиси Кумитаи кор бо ҷавонони ва варзиши назди Ҳукумати Ҷумҳурии Тоҷикистон муҳтарам Раҳмонзода Абдулло ба ҳамаи ҷавонон мулоқот карда, ба онҳо сафари нек хост. Ӯ зимни суҳбат таъкид намуд, ки “дӯстию рафоқат байни ҳар як ҷавони даври соҳибистиқлол бояд дар мадди аввал бошад. Зеро мо дар як кишвари ором умр ба сар мебарем. Ва нагузорем, ки нохалафе ба оромии мо халал расонад. Пас он ҷавонони фаъолеро, ки дар соҳаҳои гуногуни кишвар кору фаъолият мекунанд, лозим аст зиракиву доноиро аз даст надиҳанд, то насли ояндаи мо бо ҳам рафоқат дошта бошанд.”-гуфт раиси Кумита.

Баъди сухонронии раиси Кумита ҷавонони ВМКБ, вилояти Суғд ва шаҳру ноҳияҳои тобеи марказ ба вилояти Хатлон раҳсипор шуданд.

Ҳадаф аз иқдоми мазкурро масъулин дар баланд бардоштани сатҳи ҷаҳонбинии ҷавонон, тақвият бахшидани дӯстии байни онҳо, ҳамчунин арҷ гузоштан ба арзишҳои миллӣ ва ҷалб намуданиин қишри ҷомеа ба меҳанпарастиву ватандустӣ маънидод карданд.    

Лозим ба ёдоварист, ки иқдоми "Дӯст ояд гарм дар оғӯш гир" то 24 апрел идома карда, ҷавонон аз аксар манотиқи кишвар дидан хоҳанд кард.

Таҳмина ЮСУФОВА, коромӯзи “ҶТ”