21 октябр деҳаи Хуррамзамини ноҳияи Данғара майдони варзишӣ бо 2500 ҷойи нишаст мавриди баҳрабардорӣ қарор гирифт.

Дар ин бора аз Хадамоти матбуоти Президенти кишвар иттилоъ медиҳанд.

Гуфта мешавад, ки ин майдонча ба ифтихори 30-солагии Истиқлолияти давлатии Ҷумҳурии Тоҷикистон аз ҷониби соҳибкори ватанӣ Миралӣ Мирзоев мутобиқ ба меъëру стандартҳои муосир сохта шудааст. Варзишгоҳ майдони умумии ду гектарро фаро гирифта, дар доираи сафари кории Сарвари давлат муҳтарам Эмомалӣ Раҳмон ба ин ноҳия ба истифода дода шуд.

Ҳамзамон дар хабар зикр мегардад, ки зимни ифтитоҳи майдонча Пешвои миллат бо наврасон суҳбат карда, барои муваффақ шуданашон дар ҷодаи варзиш ба эшон камёбиҳо таманно карданд.