ВАРЗИШ
Панҷшанбе 23 Май 2024 07:34
9681
Рӯзҳои 4-5 октябр дар ноҳияи Данғараи вилояти Хатлон Мусобиқаи 10-уми байналмилалӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон баргузор мегардад. Дар ин бора Федератсияи ҷудои Тоҷикистон хабар медиҳад.

Бино ба иттилои манбаъ, мусобиқа аз рӯи 7 категорияи вазнӣ байни мардон: 60 кг, 66 кг, 73 кг, 81кг, 90 кг, 100 кг, +100кг ва 3 вазн байни бонувон: 52 кг, 57кг ва -63 кг доир мегардад. Барои иштирок дар мусобиқа варзишгарон аз хориҷи кишвар низ даъват шудаанд.

Ғолибон бо медалу ҷоизаҳои пулӣ: ҷои якум - 27 ҳазору 500 сомонӣ, ҷои дуюм - 16 ҳазору 500 сомонӣ ва ду ҷои сеюм бо 11 ҳазор сомонӣ қадрдонӣ мешаванд.

Ёдовар мешавем, ки мусобиқа барои дарёфти Ҷоми Президенти Тоҷикистон оид ба гӯштини ҷудо аз соли 2013 инҷониб доир мешавад.

Я. МАҲМАДНАБИЕВ, “ҶТ”

Эзоҳи худро нависед



Рамзҳо дар расм