ВАРЗИШ
Якшанбе 24 Январ 2021 01:45
7588
Ба ифтихори Рӯзи Парчами давлатии Ҷумҳурии Тоҷикистон дар толори Муассисаи давлатии маҷмааи варзишии ноҳияи Данғара мусобиқаи кушоди ноҳиявӣ оид ба гӯштини тарзи дзюдо байни наврасони солҳои таваллуди 2007-2009 дар вазнҳои 26 то 50 ва ҷамъи 50 кг баргузор гардид.

Дар чорабинии варзишӣ 12 даста ва зиёда аз 150 нафар варзишгар аз шаҳру ноҳияҳои вилояти Хатлон фаъолона иштирок намуданд.

Баъд аз рақобатҳои варзишгарон дар ҳисоби даставӣ паҳлавонони навраси ноҳияи Данғара сазовори ҷои якум, варзишгарони ноҳияи Фархор ҷои дуюм ва варзишгарони навраси ноҳияи Вахш зинаи сеюмро соҳиб гардиданд.
Беҳтарин варзишгарон ва ғолибони мусобиқа аз рӯи вазнҳои гуногун бо медал ва ифтихорномаҳои Муассисаи давлатии маҷмааи варзишии ноҳияи Данғара сарфароз гардонида шуданд.

Ҳадафи асосии мусобиқа дар рӯҳияи баланди ватандорӣ ба камол расонидани насли ояндасози ҷомеа, арҷ гузоштан ба арзишҳои милливу таърихӣ, тарғибу ташвиқи тарзи ҳаёти солим, мустаҳкам намудани риштаи дӯстӣ байни варзишгарон, баланд бардоштани маҳорати касбии паҳлавонони наврас ва муайян намудани ҳайати дастаи мунтахаби ноҳия арзёбӣ гардид.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Январ 2021 c.