ВАРЗИШ
Якшанбе 28 Ноябр 2021 07:52
8073
Бо ибтикори Кумитаи кор бо ҷавонон ва варзиши назди Ҳукумати ҷумҳурӣ ва Федератсияи варзиши сабуки кишвар дави Созмони ҳамкориҳои Шанхай дар шаҳри Душанбе гузаронида мешавад.

Мақсад аз баргузории дави мазкур тақвияти ҳамкориҳои кишварҳои аъзои созмон тавассути баргузории чорабиниҳои варзишии сатҳи байналмилалӣ, рушди сайру саёҳати дохила ва беруна, тарғибу ташвиқи тарзи ҳаёти солим ва ҷалби пайвастаи сокинон ба бозиҳои варзишию тарбияи ҷисмонӣ мебошад.

Дави мазкур 13 июн сурат гирифта, масофаи 21 километру 97 метрро дар бар мегирад. Он соати 8 – и саҳар аз назди “Наврӯзгоҳ” оғоз ёфта, дар майдони Исмоили Сомонӣ хотима меёбад.

Дар ин чорабинии байналмилалӣ шахсони алоҳида ва кормандони корхонаю ташкилот, муассисаҳои ватанию хориҷа метавонанд ширкат варзанд. Хоҳишмандонро лозим аст, худро рӯзҳои 11 ва 12 – уми июн ба қайд гирифта, ҳамчунин маълумотномаи вазъи тибии на барвақттар аз санаи 1 – уми июн пешниҳод намоянд.

Дар дави мазкур занону мардон ҳуқуқи ширкат варзидан доранд. Ғолибонро медал ва мукофотҳои пулӣ (аз 300 то 1500 доллар) интизор аст.

“ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Ноябр 2021 c.