ВАРЗИШ
Якшанбе 25 Август 2019 01:50
6336
- Тибқи нақшаи дурнамо то ҷашни 30 - солагии Истиқлолияти давлатӣ дар шаҳри Хоруғ 18 адад майдончаҳои варзишӣ бо маблағгузории Дирексияи сохтмони иншооти Ҳукуматии Дастгоҳи иҷроияи Президенти Ҷумҳурии Тоҷикистон ва ташкилотҳои бонуфузи ғайридавлатӣ бунёд мегарданд, ки аз моҳҳои аввали соли равон корҳои сохмонӣ барои бунёди майдончаҳои дар маҳаллаҳои Тирчид ва Хуфаки шаҳр оғоз гардиданд, - гуфт дар нишасти хабарӣ раиси шаҳри Хоруғ Кишар Шамирӣ. - Дар самти обтаъминкунӣ бошад, дар Хоруғ чор обанбор мавҷуд буда, ҳар яки онҳо нигоҳдории ҳаҷми 2000 м3 обро доро мебошанд, ки дар маҷмӯъ 8000 м3 - ро ташкил медиҳанд. Истеҳсоли оби нӯшокӣ аз ҳисоби ҳамаи сарчашмаҳо ва манбаъҳои обтаъминкунии шаҳр 12537 м3 - ро дар як шабонарӯз ташкил медиҳад. Бо вуҷуди оне, ки истеҳсоли об нисбати талабот ба он зиёдтар аст, маҳаллаҳои Валдош Гулмамад, Ниводак ва Теми шаҳр ҳанӯз ҳам аз оби нӯшокӣ танқисӣ мекашанд.

Дар асоси нақшаҳо ва амалӣ намудани марҳилаи дуюми Барномаи Бонки Аврупои таҷдид ва рушд барои таъмини маҳаллаҳои мазкур аз оби ошомиданӣ чораҷӯйӣ шуда истодааст.

Даромади корхонаи таъминоти об ва канлизатсияи шаҳр дар нимсолаи якуми соли 2019 маблағи 922 708 сомониро ташкил дод, ки нисбати нимсолаи якуми соли 2018, 25 110 сомонӣ зиёдтар мебошад. Сабаби ҷамъ нашудани маблағ ин аз тарафи корхонаҳои буҷавӣ сари вақт пардохт накардани маблағи хизматрасонии об ва канализатсия мебошад.

Инчунин, кӯҳна будани шабакаҳои обрасонӣ, фарсуда будани обтақсимкунакҳо, зиёд будани қарздории  корхона дар назди ширкати “Помир Энерҷӣ” ва Бонки Аврупои таҷдид ва рушду пурра пардохт нагардидани ҳаққи хизматрасонии об ва канализатсия, ҳамзамон истифодаи нооқилонаи об мушкилоти асосии соҳаро ташкил медиҳанд.

- Дар самти маориф, ҳоло биноҳои муассисаҳои таълимии №5  ва 6 ба азнавсозӣ ниёз дошта, муассисаҳои таълимии №7 ва 9 таъмирталаб мебошанд. Муассисаҳои таълимии №1 ва 10 дар ҳолати садамавӣ қарор дошта, дар баробари муассисаҳои номбурда муассисаҳои № 3, 4, ва 11 - и шаҳр толорҳои варзишӣ надоранд, ки ин омил барои гузаронидани дарси тарбияи ҷисмонӣ ва омодагии дифои ҳарбӣ монеа эҷод менамояд, - афзуд Кишвар Шамирӣ.

Дар шаҳри Хоруғ айни ҳол 42 корхона ва коргоҳҳои саноатӣ фаъолият дошта, аз онҳо 17 адад дар ҳисоботҳои расмии оморӣ ва 25 адад тариқи тадқиқот ба ҳисоб гирифта мешаванд. Дар нимсолаи якуми соли 2019 аз ҷониби корхонаҳо ва коргоҳҳои саноатӣ ба маблағи 23319,6 сомонӣ маҳсулот истеҳсол карда шудааст, ки ин нисбати ҳамин давраи соли 2018 ба маблағи 3 352,4  сомонӣ камтар мебошад.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

Август 2019 c.