ВАРЗИШ
Шанбе 20 Апрел 2024 02:41
6248
Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар маҷмааи варзишии шаҳри Хоруғ мусобиқаи ҷумҳуриявӣ оид ба тӯби дастӣ байни панҷ дастаи ҷавонони то 22 – солаи мамлакат оғоз ёфт.

Дар маросими ифтитоҳи чорабинӣ муовини раиси ВМКБ Назира Амирбекзода, муовини сардори Раёсати тарбияи ҷисмонӣ ва варзиши кумита Абдулло Мамадализода, сардори Раёсати кор бо ҷавонон ва варзиши вилоят Сураҷ Чоршанбиев, муовини раиси шаҳри Хоруғ Райҳонбегим Мавлобахшзода ва мудири Шуъбаи кор бо ҷавонон ва варзиши шаҳр Имомёрбек Имомёрбеков иштирок намуданд.

Абдулло Мамадализода, намояндаи кумита қайд кард, ки ҳадаф аз баргузории чорабинӣ дарёфти чеҳраҳои нав баҳри шомил намудан ба дастаи мунтахаби кишвар аз рӯи намуди тӯби дастӣ байни ҷавонписарон мебошад. Инчунин мусобиқа дар доираи эълон гаштани “Солҳои рушди деҳот, сайёҳӣ ва ҳунарҳои мардумӣ” рӯи кор омада, дар ин замина дастаҳои минтақаҳои мамлакат ба сайёҳатӣ дохилӣ ҷалб мегарданд.

Мусобиқа миёни дастаҳои “Суғд”, “Душанбе”, “Хатлон 1”, “Хатлон 2” ва  “ВМКБ” то 23 июли соли равон гузашта, ғолибон бо Ҷом, медал, ифтихорнома ва дигар тӯҳфаҳо мушарраф хоҳанд шуд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Апрел 2024 c.