ВАРЗИШ
Ҷумъа 03 Май 2024 02:41
ё чанд қадами сарвони “Истиқлол” дар олами футбол
1-уми декабр бозии мавқуфмондаи даври сеюми марҳилаи сеюми Чемпионати Тоҷикистон баргузор гашт.
Дар рақобати мазкур дастаи “Истиқлол”-и шаҳри Душанбе бо тими “Куктош”-и ноҳияи Рӯдакӣ вориди майдон гашт. Бозии мазкур бо ҳисоби 4 бар 1 ба фоидаи дастаи “Истиқлол” ба анҷом расид. Пас аз бозии мазкур дас-таи “Истиқлол” қаҳрамони Тоҷикистон дар соли 2023 гардид. Ин 12-умин қаҳрамонии даста дар Чемпионати Тоҷикистон ба шумор меравад. Алишер Ҷалилов, нимҳимоятгар ва сарбони дас-таи “Истиқлол” дар рақобати мазкур аз худ маҳорати баланди варзишӣ нишон дод. Ӯ дар майдондорӣ ба задани ду гол даст ёфт. Матлаби мазкур бошад, фарогири дилбастагии ин варзишгари ҷавону боистеъдод дар олами футболи тоҷик аст.
АЗ ДАВРОНИ КӮДАКИ ТО ВОРИД ШУДАН БА ОЛАМИ ФУТБОЛ
Алишер Ҷалилов варзишгари номошнои кишвар, 29 августи соли 1993 дар шаҳри Душанбе тавваллуд шудааст. Ӯ дастпарвари бошгоҳи “Алмосӣ”-и Душанбе аст. Ӯ дар овони наврасӣ, аниқтараш дар соли 2004 баҳри такмили маҳорати футболбозӣ ба Маскав сафар кард. Дури аз падару модар ва наздикон гарчанде барои ӯ душвор буд, аммо ба ин ҳама нигоҳ накарда, ба роҳи худ идома дод. Ӯ дар Маскав дар мактаби варзишии нав-расони “Локомотив” таҳсил кард.
Худ низ дар яке аз мусоҳибаҳояш ин гуфтаҳоро тасдиқ карда, гуфтааст: “Вақте ба Русия сафар кардам, ҳамагӣ 10 сол доштам. Дар овони хурдӣ дурӣ аз падару модар барои ҳар як нафар мушкил аст. Барои ман низ дурӣ аз падару модар, наздикон ва ватан душвор буд. Аммо дар Русия низ нафарони наздики ман буданд, ки ҳамеша дар паҳлуям буданд. Онҳо ҳамеша дастгири ман буданд”.
ВОХӮРӢ БО РОНАЛДУ
Соли 2004 Алишер бо Криштиану Роналду вохӯрда, бо ин нобиғаи футбол акси хотиравӣ гирифта буд. Дар ин вақт шояд дар гӯшаи хаёли ӯ ҳатто намегузашт, ки замоне ин футболбоз ба яке аз нотакрортаринҳо дар олами футбол мегардаду муқобили улгуи хеш бозӣ мекунад.
Ҳамин тавр, корномаи варзишии Алишер оғоз гашт. Ӯ пас аз таҳсил дар мактаби варзишии наврасони “Локомотив” ҳунарнамоии худро дар дастаи ҷавонони “Рубин”-и Қазон идома дод. Алишер бо дастаи мазкур соли 2009 шартнома ба имзо расонид. Ӯ дар ҳайати тими мазкур то соли 2012 ҳунарнамоӣ кард. Шуруъ аз соли 2012 Алишер ба дастаи “Нефтехимик”-и Нижнекамск ба иҷора дода шуд. Ӯ дар бошгоҳи мазкур 28 бозӣ анҷом дода, ба задани 2 гол даст ёфт. Алишер ҳамчунин беҳтарин бозингари ҷавони Лигаи миллии футболи Русия дар мавсими 2012/13 дониста шуд. Ӯ дигарбора тобистони соли 2013 ба “Рубин”-и Қазон баргашта, то соли 2017 дар ин бошгоҳ ҳунарнамоӣ кард.
Пасон як мавсими корномаи варзишии Алишер дар ҳайати “Балтика”-и Калининград гузашт. Ӯ мавсими 2017-2018-ро дар бошгоҳи мазкур гузаронид. Пас аз ин ҳама саъю талошҳо билохира Алишер ба ватан баргашт. Ӯ ба дас-таи “Истиқлол”-и Душанбе ҷалб гардид ва дертар ҳуқуқи дар тими мунтахаби миллии футболи Тоҷикистон бозӣ карданро низ пайдо кард. Пас аз бозгашт ба ватан ва ҳунарнамоӣ дар дастаи “Истиқлол” Алишер Ҷалилов дар соли 2019 ба гирифтани ҷоизаи “Беҳтарин бозингари сол” даст ёфт. Ҷоизаи мазкурро ҳамчунин ӯ соли 2021 низ ба даст овард. Дар баробари ин, Алишер дар ҳайати бошгоҳи “Истиқлол” соли 2020 барандаи Суперҷоми Тоҷикистон гардид.
Пасон, Алишер дигарбора дур аз ватан шуд. Ӯ аз бошгоҳи “Истиқлол” ба дастаи “АГМК”-и Узбекистон гузариш кард. Тарафҳо шартномаро ба муҳлати ду сол имзо карданд. Ҳамин тавр, Алишер корномаи варзишии худро дар дастаи “АГМК”-и Узбекистон идома дод. Пас аз он дар ибтидои соли ҷорӣ дигарбора ба ҳайати тими “Истиқлол”-и Душанбе пайваст. Айни замон Алишер яке аз бозингарони калидӣ ва ҳамчунин сарбони бошгоҳи “Истиқлол” ба ҳисоб меравад.
ИШТИРОК ДАР ЛИГАИ ҚАҲРАМОНҲОИ ОСИЁ
Яке аз воқеаҳои фараҳбахш дар ҳаёти варзишии ин футболбози тоҷик иштирок ва ҳунарнамоии ӯ ва дастааш дар марҳилаи гурӯҳии Лигаи қаҳрамонҳои AFC (Конфедератсияи футболи Осиё) мебошад. Бошгоҳи “Истиқлол” дар мусобиқоти мазкур дар гуруҳи “E” бо дастаҳои “Ал-Наср”-и Арабистони Саудӣ, “Ал-Дуҳайл”-и Қатар ва “Персеполис”-и Эрон ҷой гирифт. Ҳарчанд тими “Истиқлол” дар сабқатҳои мазкур натавонист ба марҳилаи 1/8 финал роҳ пайдо намояд, аммо таҷрибаи касбкарда дар сабқатҳо бо бошгоҳҳо ва футболбозони шинохтаи сайёра низ муваффақият буд.
ВОХӮРӢ БО РОНАЛДУ ПАС АЗ 19 СОЛ
Мусобиқоти мазкур бештар аз ҳама шояд барои Алишер Ҷалилов ҳаяҷоновартар буд. Зеро ин фурсате буд, ки Алишер метавонист дигарбора бо Роналду ҳамон футболбози шинохтаи сайёра, ки замоне бо ӯ акси хотиравӣ гирифта буд, дигарбора вохӯрӣ анҷом диҳад. Аммо ин вохӯрӣ аз дидори қаблӣ ба қавле “аз замин то осмон” фарқ мекард. Зеро дар ин ҷо Алишер аллаккай чун футболбози касбӣ ном бароварда буд. Ин ҷо ӯ на барои дидорбинӣ бо Роналду, балки барои шикаст додани ӯ ба майдони сабзи футбол баромада буд. Гарчанде сарбони даста дар ин рақобат вазифаи хешро ба таври олӣ нишон дода бошад ҳам, аммо тими “Истиқлол” бо ҳисоби 3 бар 1 шикаст хӯрд.
Дар бозии ҷавобии ин дастаҳо бошад, Роналду бо сабаби осеб бардоштан ба Тоҷикистон омада натавонист. Лекин дар ин сабқат Алишер аз худ маҳорати баланди варзишӣ нишон дод. Алишер дар назди ҳазорон мухлис ва ҳаводорони худ ва бошгоҳи “Истиқлол”-и кишвар аввалин шуда ба дарвозаи “Ал-Наср” гол зада, исбот кард, ки футболбозони тоҷик барои ҳар дастае метавонанд, мушкилӣ эҷод намояд. Ҳарчанд дастаи “Ал-Наср” мехост, марҳилаи гурӯҳии Лигаи қаҳрамонҳои осиёро бо пирӯзӣ ҷамъбаст намояд, аммо ҳайати бошгоҳи “Истиқлол” умеди онҳоро барбод доданд. Алишер беҳтарин футболбози бозии мазкур эътироф гашт.
ХУЛОСА
Ӯ ҳоло аз бозингарони муваффақи бошгоҳи “Истиқлол” ва тими миллии кишвар ба ҳисоб рафта, метавонад дар рушди футболи кишвар боз ҳам саҳмгузор бошад. Ӯ ба футбол дилбастагии зиёд дошта, ҳаёти худро бе он тасаввур карда наметавонад.
“Футбол ин зиндагии ман, кори ман ва нони ман аст. Ман аз рӯи он маблағ кор мекунам ва аз рӯи он зиндагӣ мекунам”, - мегӯяд Алишер Ҷалилов.
Ҳошим РАҲМАТУЛЛОЕВ,
“ҶТ”
1-уми декабр бозии мавқуфмондаи даври сеюми марҳилаи сеюми Чемпионати Тоҷикистон баргузор гашт.
Дар рақобати мазкур дастаи “Истиқлол”-и шаҳри Душанбе бо тими “Куктош”-и ноҳияи Рӯдакӣ вориди майдон гашт. Бозии мазкур бо ҳисоби 4 бар 1 ба фоидаи дастаи “Истиқлол” ба анҷом расид. Пас аз бозии мазкур дас-таи “Истиқлол” қаҳрамони Тоҷикистон дар соли 2023 гардид. Ин 12-умин қаҳрамонии даста дар Чемпионати Тоҷикистон ба шумор меравад. Алишер Ҷалилов, нимҳимоятгар ва сарбони дас-таи “Истиқлол” дар рақобати мазкур аз худ маҳорати баланди варзишӣ нишон дод. Ӯ дар майдондорӣ ба задани ду гол даст ёфт. Матлаби мазкур бошад, фарогири дилбастагии ин варзишгари ҷавону боистеъдод дар олами футболи тоҷик аст.
АЗ ДАВРОНИ КӮДАКИ ТО ВОРИД ШУДАН БА ОЛАМИ ФУТБОЛ
Алишер Ҷалилов варзишгари номошнои кишвар, 29 августи соли 1993 дар шаҳри Душанбе тавваллуд шудааст. Ӯ дастпарвари бошгоҳи “Алмосӣ”-и Душанбе аст. Ӯ дар овони наврасӣ, аниқтараш дар соли 2004 баҳри такмили маҳорати футболбозӣ ба Маскав сафар кард. Дури аз падару модар ва наздикон гарчанде барои ӯ душвор буд, аммо ба ин ҳама нигоҳ накарда, ба роҳи худ идома дод. Ӯ дар Маскав дар мактаби варзишии нав-расони “Локомотив” таҳсил кард.
Худ низ дар яке аз мусоҳибаҳояш ин гуфтаҳоро тасдиқ карда, гуфтааст: “Вақте ба Русия сафар кардам, ҳамагӣ 10 сол доштам. Дар овони хурдӣ дурӣ аз падару модар барои ҳар як нафар мушкил аст. Барои ман низ дурӣ аз падару модар, наздикон ва ватан душвор буд. Аммо дар Русия низ нафарони наздики ман буданд, ки ҳамеша дар паҳлуям буданд. Онҳо ҳамеша дастгири ман буданд”.
ВОХӮРӢ БО РОНАЛДУ
Соли 2004 Алишер бо Криштиану Роналду вохӯрда, бо ин нобиғаи футбол акси хотиравӣ гирифта буд. Дар ин вақт шояд дар гӯшаи хаёли ӯ ҳатто намегузашт, ки замоне ин футболбоз ба яке аз нотакрортаринҳо дар олами футбол мегардаду муқобили улгуи хеш бозӣ мекунад.
Ҳамин тавр, корномаи варзишии Алишер оғоз гашт. Ӯ пас аз таҳсил дар мактаби варзишии наврасони “Локомотив” ҳунарнамоии худро дар дастаи ҷавонони “Рубин”-и Қазон идома дод. Алишер бо дастаи мазкур соли 2009 шартнома ба имзо расонид. Ӯ дар ҳайати тими мазкур то соли 2012 ҳунарнамоӣ кард. Шуруъ аз соли 2012 Алишер ба дастаи “Нефтехимик”-и Нижнекамск ба иҷора дода шуд. Ӯ дар бошгоҳи мазкур 28 бозӣ анҷом дода, ба задани 2 гол даст ёфт. Алишер ҳамчунин беҳтарин бозингари ҷавони Лигаи миллии футболи Русия дар мавсими 2012/13 дониста шуд. Ӯ дигарбора тобистони соли 2013 ба “Рубин”-и Қазон баргашта, то соли 2017 дар ин бошгоҳ ҳунарнамоӣ кард.
Пасон як мавсими корномаи варзишии Алишер дар ҳайати “Балтика”-и Калининград гузашт. Ӯ мавсими 2017-2018-ро дар бошгоҳи мазкур гузаронид. Пас аз ин ҳама саъю талошҳо билохира Алишер ба ватан баргашт. Ӯ ба дас-таи “Истиқлол”-и Душанбе ҷалб гардид ва дертар ҳуқуқи дар тими мунтахаби миллии футболи Тоҷикистон бозӣ карданро низ пайдо кард. Пас аз бозгашт ба ватан ва ҳунарнамоӣ дар дастаи “Истиқлол” Алишер Ҷалилов дар соли 2019 ба гирифтани ҷоизаи “Беҳтарин бозингари сол” даст ёфт. Ҷоизаи мазкурро ҳамчунин ӯ соли 2021 низ ба даст овард. Дар баробари ин, Алишер дар ҳайати бошгоҳи “Истиқлол” соли 2020 барандаи Суперҷоми Тоҷикистон гардид.
Пасон, Алишер дигарбора дур аз ватан шуд. Ӯ аз бошгоҳи “Истиқлол” ба дастаи “АГМК”-и Узбекистон гузариш кард. Тарафҳо шартномаро ба муҳлати ду сол имзо карданд. Ҳамин тавр, Алишер корномаи варзишии худро дар дастаи “АГМК”-и Узбекистон идома дод. Пас аз он дар ибтидои соли ҷорӣ дигарбора ба ҳайати тими “Истиқлол”-и Душанбе пайваст. Айни замон Алишер яке аз бозингарони калидӣ ва ҳамчунин сарбони бошгоҳи “Истиқлол” ба ҳисоб меравад.
ИШТИРОК ДАР ЛИГАИ ҚАҲРАМОНҲОИ ОСИЁ
Яке аз воқеаҳои фараҳбахш дар ҳаёти варзишии ин футболбози тоҷик иштирок ва ҳунарнамоии ӯ ва дастааш дар марҳилаи гурӯҳии Лигаи қаҳрамонҳои AFC (Конфедератсияи футболи Осиё) мебошад. Бошгоҳи “Истиқлол” дар мусобиқоти мазкур дар гуруҳи “E” бо дастаҳои “Ал-Наср”-и Арабистони Саудӣ, “Ал-Дуҳайл”-и Қатар ва “Персеполис”-и Эрон ҷой гирифт. Ҳарчанд тими “Истиқлол” дар сабқатҳои мазкур натавонист ба марҳилаи 1/8 финал роҳ пайдо намояд, аммо таҷрибаи касбкарда дар сабқатҳо бо бошгоҳҳо ва футболбозони шинохтаи сайёра низ муваффақият буд.
ВОХӮРӢ БО РОНАЛДУ ПАС АЗ 19 СОЛ
Мусобиқоти мазкур бештар аз ҳама шояд барои Алишер Ҷалилов ҳаяҷоновартар буд. Зеро ин фурсате буд, ки Алишер метавонист дигарбора бо Роналду ҳамон футболбози шинохтаи сайёра, ки замоне бо ӯ акси хотиравӣ гирифта буд, дигарбора вохӯрӣ анҷом диҳад. Аммо ин вохӯрӣ аз дидори қаблӣ ба қавле “аз замин то осмон” фарқ мекард. Зеро дар ин ҷо Алишер аллаккай чун футболбози касбӣ ном бароварда буд. Ин ҷо ӯ на барои дидорбинӣ бо Роналду, балки барои шикаст додани ӯ ба майдони сабзи футбол баромада буд. Гарчанде сарбони даста дар ин рақобат вазифаи хешро ба таври олӣ нишон дода бошад ҳам, аммо тими “Истиқлол” бо ҳисоби 3 бар 1 шикаст хӯрд.
Дар бозии ҷавобии ин дастаҳо бошад, Роналду бо сабаби осеб бардоштан ба Тоҷикистон омада натавонист. Лекин дар ин сабқат Алишер аз худ маҳорати баланди варзишӣ нишон дод. Алишер дар назди ҳазорон мухлис ва ҳаводорони худ ва бошгоҳи “Истиқлол”-и кишвар аввалин шуда ба дарвозаи “Ал-Наср” гол зада, исбот кард, ки футболбозони тоҷик барои ҳар дастае метавонанд, мушкилӣ эҷод намояд. Ҳарчанд дастаи “Ал-Наср” мехост, марҳилаи гурӯҳии Лигаи қаҳрамонҳои осиёро бо пирӯзӣ ҷамъбаст намояд, аммо ҳайати бошгоҳи “Истиқлол” умеди онҳоро барбод доданд. Алишер беҳтарин футболбози бозии мазкур эътироф гашт.
ХУЛОСА
Ӯ ҳоло аз бозингарони муваффақи бошгоҳи “Истиқлол” ва тими миллии кишвар ба ҳисоб рафта, метавонад дар рушди футболи кишвар боз ҳам саҳмгузор бошад. Ӯ ба футбол дилбастагии зиёд дошта, ҳаёти худро бе он тасаввур карда наметавонад.
“Футбол ин зиндагии ман, кори ман ва нони ман аст. Ман аз рӯи он маблағ кор мекунам ва аз рӯи он зиндагӣ мекунам”, - мегӯяд Алишер Ҷалилов.
Ҳошим РАҲМАТУЛЛОЕВ,
“ҶТ”
Хабарҳои дигар
Рӯзнома
Эзоҳи худро нависед