Бо ташаббуси Кумитаи ҷавонон, варзиш ва сайёҳии назди Ҳукумати кишвар дар ноҳияи Дарвоз мусобиқаи ҷумҳуриявӣ оид ба гӯштини ҷудо баргузор гардид. 

Бино ба иттилои мудири Бахши ҷавонон, варзиш ва сайёҳии ноҳия Дарвоз Расулҷон Шокиров мусобиқа байни варзигарони аз 14 то 16-сола доир шуда, дар он беш аз 200 варзишгар аз шаҳри Душанбе, НТМ, вилоятҳои Суғду Хатлон ва шаҳру ноҳияҳои ВМКБ дар ҳайати 15 даста ширкат варзиданд.

Мусобиқаи варзишӣ дар сатҳи баланд ташкил шуда, ғолибон аз тарафи Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон бо медал, мукофот ва ифтихонома сарфароз гардиданд.

Машҳур ИМОМНАЗАРОВ, “ҶТ”