Ба ифтихори ҷашни Наврӯзи байналмилалӣ дар ноҳияи Дарвози Вилояти Мухтори Кӯҳистони Бадахшон байни беҳтарини дастаҳои ноҳия мусобиқаҳои футболу волейбол ва гӯштини миллӣ баргузор мегардад.

Дар ин бора мудири Бахши кор бо ҷавонон ва варзиши ноҳия Олимшо Иқболшозода иттилоъ дода гуфт, ки чорабиниҳои варзишӣ баҳри ба даст овардани Ҷоми дӯстии ҷавонони Дарвоз ва бо ҳадафи таҳкими тарзи ҳаёти солим дар арафаи таҷлили Рӯзи Наврӯз бо ибтикори бахшу дастгирии соҳибкори ватандӯсти маҳаллӣ Исо Асоев доир мешаванд.

Дар мусобиқаҳои футболу волейбол, ки бо усули “Деҳа ба деҳа” сурат мегиранд, ҳамагӣ 12 даста рақобат карда, дар гӯштини миллӣ бошад, ҷавонону наврасони синну соли 2004 – 2008 бо ҳам қувваозмоӣ менамоянд.
Ғолибонро ифтихорномаи бахш ва мукофотпулӣ интизор аст.