29 июл бо ибтикороти Бахши кор бо ҷавонон ва варзиши ноҳияи Мастчоҳ бахшида ба “Соли ҷавонон” ва ёдбуди собиқадори меҳнат шодравон Содиқбек Ҷаҳонгиров аз рӯи нумуди гӯштини камарбандӣ мусобиқаи кушоди ноҳиявӣ баргузор карда шуд.

Дар чорабинии мазкур варзишгарон аз ноҳияҳои Мастчоҳ, Истаравшан Ҷаббор Расулов ва Зафаробод иштирок ва қувваозмоӣ намуданд.

Дар натиҷа дастаи ноҳияи Мастчоҳ сазовори ҷои аввал, Истаравшан сазовори ҷои дуюм, Ҷаббор Расулов сазовори ҷои сеюм ва дастаи Зафаробод сазовори ҷои чорум гардиданд.

Ба ғолибони мусобиқа диплом, медал, ифтихорнома ва туҳфаҳои хотиравӣ тақдим карда шуд.