Дар толори хурди Мақомоти иҷроияи ҳокимияти давлатии шаҳри Гулистон вохӯрии раиси шаҳри Гулистон Бахтиёр Саидаҳмадзода бо футболбозони дастаи “Гулистон”, ки чемпиони Лигаи дуюми Ҷумҳурии Тоҷикистон оид ба футбол гаштанд, мулоқот намуд.

Зимни мулоқот Бахтиёр Саидаҳмадзода аъзоёни дастаи шаҳрро барои ғолиби Лигаи дуюм шудан ва барои гирифтани роҳхат ба Лигаи аввали Ҷумҳурии Тоҷикисто оид ба футбол табрик намуда, гуфт, футбол яке аз бозиҳои маъмул ва маҳбубтарин ва намудҳои рушдёфтаи соҳаи варзиш дар қаламрави кишвар ба ҳисоб рафта, дар миёни аҳолӣ нисбат ба дигар намудҳои варзиш маҳбубияти зиёд дорад.

Таъкид гардид, ки дастаи яккачини шаҳри Гулистон – “Гулистон” дар Лигаи дуюми Чемпионати Тоҷикистон бо муваффақият баромад намуда, маҳорат ва истеъдоди хуб нишон дода, ба натиҷаҳои баланди варзишӣ ноил гардид. Аз ҷумла, дастаи яккачини “Гулистон” дар соли равон соҳиби Ҷоми Раиси вилояти Суғд гардид.

Дар фарҷом ба футболбозони дастаи “Гулистон” мукофотпулӣ ва туҳфаҳои хотиравӣ тақдим гардид.