11-уми апрел дар толори "Зурхона"-и шаҳри Душанбе Чемпионати ҷумҳуриявӣ оид ба дастхобонӣ бахшида ба таҷлили сазовори 30-солагии Истиқлолияти давлатии Ҷумҳурии Тоҷикистон байни варзишгарони дастаҳои вилоятҳои Суғд, Хатлон, ВМКБ, шаҳру ноҳияҳои тобеи марказ ва шаҳри Душанбе доир гардид.

Дар чемпионати мазкур аз дастаи вилояти Суғд 32 нафар варзишгар, аз он 12 нафар бонувон иштирок намуда, бо гирифтани 9 медали тилло, 11 медали нуқра ва 5 медали биринҷӣ ҷои аввалро сазовор гардиданд.

Ба таъкиди масъулин ҳадаф аз баргузории ин чемпионат тарғибу ташвиқи тарзи ҳаёти солим, оммавигардонии варзиш, рушди ин намуди варзиш байни ҷавонон ва пешгирии зуҳуротҳои номатлуб миёни ҷавонон ба ҳисоб меравад.