ВАРЗИШ
Панҷшанбе 02 Май 2024 02:55
Ду ғалабаи пайдарпай ва ду пирӯзии муҳим. Яке мусобиқаи Бозиҳои осиёӣ, ки дар Ҷумҳурии Мардумии Чин баргузор гашт ва дигаре “Шоми бокс”, ки дар Тоҷикистон шукӯҳу шаҳоматаш танинандоз гардид. Давлат Болтаев нафаре буд, ки дар ин ду сабқат ба пирӯзӣ ноил гашт. Ва ӯ имкон пайдо кард, то дар Бозиҳои осиёӣ нишони тиллоро барои Тоҷикистон ва роҳхати Бозиҳои олимпиро барои худ ба даст орад. Ин нишон дар риштаи бокс пас аз 17 сол ба хазинаи варзишии кишвар ворид гардид. Дар “Шоми бокс” низ ҳарифи худро дар пайти дуюми нерусанҷӣ шикаст дод. Дар зимн бо ӯ суҳбате намудем перомуни муваффақияту дастовардҳояш.
- Нахуст шуморо барои соҳиб гардидан ба унвони қаҳрамони Бозиҳои осиёӣ таб-рик менамоем.
- Сипос барои табрикот.
- Пеш аз Бозиҳои осиёӣ аз ҷониби Президенти кишвар ва раиси шаҳри Душанбе барои онҳое, ки дар сабқатҳои мазкур медал ба даст меоранд, ҷоизаҳои махсус ваъда карда шуд. Чунин таваҷҷуҳу таъсиси ҷоизаҳо бароятон чун варзишгар чӣ руҳия бахшид?
- Ман бинобар сабаби тамрин доштан, дар вохӯрии назди раиси шаҳр иштирок карда натавонистам. Ин сабаб гардид, то аз ташкили чунин ҷоиза бехабар монам. То баромадан ба даври ниҳоии мусобиқа намедонистам, ки чунин ҷоизаҳо аз ҷониби Президенти кишвар ва раиси шаҳри Душанбе ташкил шудаанд. Вақте пеш аз финал ин хабарро ба ман расониданд, ин бароям як ҳавасмандии хуб шуд. Кӯшишам бештар гашт баҳри пирӯзӣ. Ин як туҳфаи арзишманд ва ғайриинтизор буд. Мехоҳам миннатдории худро ба Президенти кишвар муҳтарам Эмомалӣ Раҳмон ва раиси шаҳри Душанбе муҳтарам Рустами Эмомалӣ расонам, ки ба варзиш ва варзишгарон чунин таваҷҷуҳ зоҳир мекунанд.
- Аз миёни дастовардҳоятон кадомашро хотирмонтарин меҳисобед?
- Дар корномаи варзишиам ҳолатҳои хотирмон бисёр буданд. Варзиш одамонро муттаҳид мекунад. Варзиш хубӣ меорад. Ман панҷ сол пеш ба мураббии худ ваъда додам, ки ҳатман соҳиби роҳхат ба Бозиҳои олимпӣ хоҳам шуд. Дар қаҳрамонии Осиё ва қаҳрамонии ҷаҳон низ иштирок кардаам ва мақомҳои ифтихориро сазовор гаштаам. Аммо намедонам сабаб дар чи буд, ки ба даст овардани роҳхат ба Бозиҳои олимпӣ бароям даст намедод. Хушбахтона, ин орзуям амалӣ гашт ва тавонистам пас аз панҷ сол ба ваъдаам вафо намуда, соҳиби роҳхати Бозиҳои олимпӣ гардам. Ва ин яке аз муваффақиятҳои бузурги ман ба ҳисоб меравад.
- Шумо ҳамчунин қаҳрамони Осиё миёни ҷавонон аз риштаи бокс ба ҳисоб меравед. Ин сабқат чи тавр баргузор шуду ба ин дастовард чӣ гуна даст ёфтед?
- Сабқати мазкур дар сатҳи олӣ баргузор гашт. Фикр мекунам сабаби пирӯзиам дар мусобиқаи мазкур ин пеш аз ҳама ба тартибот вобастагӣ дорад. Барои он ки дар вақташ тамрин кардан, дар вақташ ғизо истеъмол намудан ва дар вақташ барқарор кардани қувва ниҳоят зарур аст. Ҳамчунин аз рӯи гуфтаи мураббӣ амал кардан бисёр муҳим мебошад. Зеро бисёриҳо фикр мекунанд, ки аз мураббӣ бештар медонанд, вале чунин нест. Ман ҳам гоҳе бо мураббиям баҳс мекунам, аммо ӯ дарҳол бо далелҳо бароям исбот мекунад, ки амал намудан аз рӯи гуфтаҳои мураббӣ чи бартариҳо дорад. Инҳо сабаб мегарданд, то дар дилхоҳ сабқат ба натиҷа бирасам.
- Сабқати “Шоми бокс”-и Душанбе дар кадом сатҳ баргузор гашт ва чӣ таассурот бардоштед аз он?
- Сабқати мазкур низ дар сатҳи бисёр олӣ баргузор гашт. Мехоҳам миннатдории худро ба ташкилкунандагони ин чорабинӣ расонам. Зеро барои мо-варзишгарон иштирок дар сабқати мазкур бисёр фараҳбахш буд. Умедворам, ки чунин чорабиниҳо боз ҳам бештар ташкил хоҳанд шуд.
- Тайёрии равонӣ барои варзишгар то чӣ андоза муҳим буда метавонад?
- Пеш аз ба майдон баромадан, омодагии равонӣ хеле муҳим аст. Бояд ба худ боварӣ дошта бошӣ, ки аз рақибат суст нестӣ. Дар майдон ғолиб ҳамоне мешавад, ки иродаи қавӣ дорад ва зиёдтар меҳнат кардааст. Лекин ин варзиш аст, гоҳҳо ғолиб мешавӣ, гоҳи дигар мағлуб. Аз ин руҳафтода набояд шуд.
- Дар риштаи бокс бештар ба кӣ пайравӣ мекунед?
- Ман ҳунарнамоии бисёре аз муштзанонро пайгирӣ мекунам. Аз ҷумла, Василий Ломаченкоро, ки ҳунарнамоии ӯ бештар писандам аст.
- Ғолибиятҳои худро бештар дар чӣ мебинед - тамрини зиёд ва ё боварӣ ба худ?
- Ғолибият ҳамеша дар тамрини зиёд ба вуҷуд меояд. Барои ғалаба бояд ҳамеша талош кард. Муваффақият ин 99 фоиз меҳнат ва 1 фоиз истеъдод аст.
- Боре аз касби интихобнамуда пушаймон шудаед?
- Аз интихобам пушаймон нестам. Бисёр хушҳолам, ки ба бокс машғулам. Кишвари хешро муаррифӣ менамояму Парчами онро боло мебардорам. Фахр мекунам, ки тоҷикам.
- Бо ин ҳама дӯстдории варзиш сабаб дар чӣ буд, ки ҳамчунин ба дандонпизишкӣ майл намудед?
- Ман орзуи дандонпизишк шуданро надоштам. Аммо дӯсти беҳтарини ман, ки ба ин самт рафта буд, маро низ ба ин ихтисос ҷалб кард. Аз рӯи ин ихтисос Коллеҷи тиббии ҷумҳуриявиро хатм намудам. Вале дар ин самт фаъолият накардаам. Ҳоло танҳо бо варзиш машғул ҳастам ва мехоҳам дар бокс корномаи варзишии худро созам.
- Шумо ҳангоми ба варзиш оғоз кардан, дар навъҳои дигари варзиш, аз ҷумла таэквандо ва кикбоксинг тамрин мекардед. Аз навъи таэквандо ва кикбоксинг ҳам сиҳиби мақоми ифтихорӣ гардидаед?
- Бале дар ин навъҳои варзиш низ ба дастовардҳои назаррас ноил гардидаам. Дар мусобиқаҳои ҷумҳуриявӣ ду маротиба унвони қаҳрамонӣ ба даст овардам. Ду маротиба – бори аввал дар Чемпионати ҷаҳон, ки соли 2014 дар Тоҷикистон шуда гузашт ва бори дуюм дар Италия аз намуди “таэквандо ITF” қаҳрамони ҷаҳон шудам. Аз намуди муайтай дар шаҳри Ашқободи Туркманистон мақоми сеюмро ишғол кардам. Инчунин соли 2017 мақоми ифтихориро дар ҷоми ҷаҳон аз намуди варзиши кудо дар Ҳиндустон ба даст овардам.
- Дар хонавода нафари дигар низ ба варзиш машғул аст?
- Не. Дар оилаи мо ба ғайр аз ман каси дигаре ба варзиш машғул нест. Модарам дар мактаб дарс медиҳад. Гоҳе бо бародари фавтидаам кам - кам тамрин мекардем.
- Волидонатон бештар кадом касби шуморо хуш доранд - дандонпизишкӣ ва ё муштзанӣ?
- Волидонам дар ҳама ҳолат дастгирам ҳастанд. Онҳо танҳо ҳаминро таъкид менамоянд, ки чизе ба хоҳиши дилам бошад, ҳамонро иҷро намоям. Як чизро бояд қайд намоям, ки вақте ту ғолиб мешавӣ, ҳама мехоҳанд бо ту акс гиранд, ҳама дар бораи ту менависанд, ҳама туро табрик мекунанд, аммо вақте мағлуб шавӣ, танҳо касе, ки бо ту мемонад волидони ту ва дӯстону рафиқони наздиктарини туанд, ки дар ҳама ҳолат туро дастгирӣ мекунанд. Волидони ман низ дар ҳама ҳолат дар барам мебошанд.
- Тамринҳо ҷиҳати иштирок дар Бозиҳои олимпии Париж чӣ гуна ҷараён дорад?
- Мо аллакай омодагиро ба Бозиҳои олимпӣ оғоз кардем. Ҳамааш хуб рафта истодааст. Ҳамроҳи мураббиам Бобоҷонов Алӣ дар ҳамкорӣ бо Федератсияи бокси Ҷумҳурии Тоҷикистон нақша кашидаем ва аз рӯи он ҳоло амал карда истодаем.
Ҳошим РАҲМАТУЛЛОЕВ, "ҶТ"
- Нахуст шуморо барои соҳиб гардидан ба унвони қаҳрамони Бозиҳои осиёӣ таб-рик менамоем.
- Сипос барои табрикот.
- Пеш аз Бозиҳои осиёӣ аз ҷониби Президенти кишвар ва раиси шаҳри Душанбе барои онҳое, ки дар сабқатҳои мазкур медал ба даст меоранд, ҷоизаҳои махсус ваъда карда шуд. Чунин таваҷҷуҳу таъсиси ҷоизаҳо бароятон чун варзишгар чӣ руҳия бахшид?
- Ман бинобар сабаби тамрин доштан, дар вохӯрии назди раиси шаҳр иштирок карда натавонистам. Ин сабаб гардид, то аз ташкили чунин ҷоиза бехабар монам. То баромадан ба даври ниҳоии мусобиқа намедонистам, ки чунин ҷоизаҳо аз ҷониби Президенти кишвар ва раиси шаҳри Душанбе ташкил шудаанд. Вақте пеш аз финал ин хабарро ба ман расониданд, ин бароям як ҳавасмандии хуб шуд. Кӯшишам бештар гашт баҳри пирӯзӣ. Ин як туҳфаи арзишманд ва ғайриинтизор буд. Мехоҳам миннатдории худро ба Президенти кишвар муҳтарам Эмомалӣ Раҳмон ва раиси шаҳри Душанбе муҳтарам Рустами Эмомалӣ расонам, ки ба варзиш ва варзишгарон чунин таваҷҷуҳ зоҳир мекунанд.
- Аз миёни дастовардҳоятон кадомашро хотирмонтарин меҳисобед?
- Дар корномаи варзишиам ҳолатҳои хотирмон бисёр буданд. Варзиш одамонро муттаҳид мекунад. Варзиш хубӣ меорад. Ман панҷ сол пеш ба мураббии худ ваъда додам, ки ҳатман соҳиби роҳхат ба Бозиҳои олимпӣ хоҳам шуд. Дар қаҳрамонии Осиё ва қаҳрамонии ҷаҳон низ иштирок кардаам ва мақомҳои ифтихориро сазовор гаштаам. Аммо намедонам сабаб дар чи буд, ки ба даст овардани роҳхат ба Бозиҳои олимпӣ бароям даст намедод. Хушбахтона, ин орзуям амалӣ гашт ва тавонистам пас аз панҷ сол ба ваъдаам вафо намуда, соҳиби роҳхати Бозиҳои олимпӣ гардам. Ва ин яке аз муваффақиятҳои бузурги ман ба ҳисоб меравад.
- Шумо ҳамчунин қаҳрамони Осиё миёни ҷавонон аз риштаи бокс ба ҳисоб меравед. Ин сабқат чи тавр баргузор шуду ба ин дастовард чӣ гуна даст ёфтед?
- Сабқати мазкур дар сатҳи олӣ баргузор гашт. Фикр мекунам сабаби пирӯзиам дар мусобиқаи мазкур ин пеш аз ҳама ба тартибот вобастагӣ дорад. Барои он ки дар вақташ тамрин кардан, дар вақташ ғизо истеъмол намудан ва дар вақташ барқарор кардани қувва ниҳоят зарур аст. Ҳамчунин аз рӯи гуфтаи мураббӣ амал кардан бисёр муҳим мебошад. Зеро бисёриҳо фикр мекунанд, ки аз мураббӣ бештар медонанд, вале чунин нест. Ман ҳам гоҳе бо мураббиям баҳс мекунам, аммо ӯ дарҳол бо далелҳо бароям исбот мекунад, ки амал намудан аз рӯи гуфтаҳои мураббӣ чи бартариҳо дорад. Инҳо сабаб мегарданд, то дар дилхоҳ сабқат ба натиҷа бирасам.
- Сабқати “Шоми бокс”-и Душанбе дар кадом сатҳ баргузор гашт ва чӣ таассурот бардоштед аз он?
- Сабқати мазкур низ дар сатҳи бисёр олӣ баргузор гашт. Мехоҳам миннатдории худро ба ташкилкунандагони ин чорабинӣ расонам. Зеро барои мо-варзишгарон иштирок дар сабқати мазкур бисёр фараҳбахш буд. Умедворам, ки чунин чорабиниҳо боз ҳам бештар ташкил хоҳанд шуд.
- Тайёрии равонӣ барои варзишгар то чӣ андоза муҳим буда метавонад?
- Пеш аз ба майдон баромадан, омодагии равонӣ хеле муҳим аст. Бояд ба худ боварӣ дошта бошӣ, ки аз рақибат суст нестӣ. Дар майдон ғолиб ҳамоне мешавад, ки иродаи қавӣ дорад ва зиёдтар меҳнат кардааст. Лекин ин варзиш аст, гоҳҳо ғолиб мешавӣ, гоҳи дигар мағлуб. Аз ин руҳафтода набояд шуд.
- Дар риштаи бокс бештар ба кӣ пайравӣ мекунед?
- Ман ҳунарнамоии бисёре аз муштзанонро пайгирӣ мекунам. Аз ҷумла, Василий Ломаченкоро, ки ҳунарнамоии ӯ бештар писандам аст.
- Ғолибиятҳои худро бештар дар чӣ мебинед - тамрини зиёд ва ё боварӣ ба худ?
- Ғолибият ҳамеша дар тамрини зиёд ба вуҷуд меояд. Барои ғалаба бояд ҳамеша талош кард. Муваффақият ин 99 фоиз меҳнат ва 1 фоиз истеъдод аст.
- Боре аз касби интихобнамуда пушаймон шудаед?
- Аз интихобам пушаймон нестам. Бисёр хушҳолам, ки ба бокс машғулам. Кишвари хешро муаррифӣ менамояму Парчами онро боло мебардорам. Фахр мекунам, ки тоҷикам.
- Бо ин ҳама дӯстдории варзиш сабаб дар чӣ буд, ки ҳамчунин ба дандонпизишкӣ майл намудед?
- Ман орзуи дандонпизишк шуданро надоштам. Аммо дӯсти беҳтарини ман, ки ба ин самт рафта буд, маро низ ба ин ихтисос ҷалб кард. Аз рӯи ин ихтисос Коллеҷи тиббии ҷумҳуриявиро хатм намудам. Вале дар ин самт фаъолият накардаам. Ҳоло танҳо бо варзиш машғул ҳастам ва мехоҳам дар бокс корномаи варзишии худро созам.
- Шумо ҳангоми ба варзиш оғоз кардан, дар навъҳои дигари варзиш, аз ҷумла таэквандо ва кикбоксинг тамрин мекардед. Аз навъи таэквандо ва кикбоксинг ҳам сиҳиби мақоми ифтихорӣ гардидаед?
- Бале дар ин навъҳои варзиш низ ба дастовардҳои назаррас ноил гардидаам. Дар мусобиқаҳои ҷумҳуриявӣ ду маротиба унвони қаҳрамонӣ ба даст овардам. Ду маротиба – бори аввал дар Чемпионати ҷаҳон, ки соли 2014 дар Тоҷикистон шуда гузашт ва бори дуюм дар Италия аз намуди “таэквандо ITF” қаҳрамони ҷаҳон шудам. Аз намуди муайтай дар шаҳри Ашқободи Туркманистон мақоми сеюмро ишғол кардам. Инчунин соли 2017 мақоми ифтихориро дар ҷоми ҷаҳон аз намуди варзиши кудо дар Ҳиндустон ба даст овардам.
- Дар хонавода нафари дигар низ ба варзиш машғул аст?
- Не. Дар оилаи мо ба ғайр аз ман каси дигаре ба варзиш машғул нест. Модарам дар мактаб дарс медиҳад. Гоҳе бо бародари фавтидаам кам - кам тамрин мекардем.
- Волидонатон бештар кадом касби шуморо хуш доранд - дандонпизишкӣ ва ё муштзанӣ?
- Волидонам дар ҳама ҳолат дастгирам ҳастанд. Онҳо танҳо ҳаминро таъкид менамоянд, ки чизе ба хоҳиши дилам бошад, ҳамонро иҷро намоям. Як чизро бояд қайд намоям, ки вақте ту ғолиб мешавӣ, ҳама мехоҳанд бо ту акс гиранд, ҳама дар бораи ту менависанд, ҳама туро табрик мекунанд, аммо вақте мағлуб шавӣ, танҳо касе, ки бо ту мемонад волидони ту ва дӯстону рафиқони наздиктарини туанд, ки дар ҳама ҳолат туро дастгирӣ мекунанд. Волидони ман низ дар ҳама ҳолат дар барам мебошанд.
- Тамринҳо ҷиҳати иштирок дар Бозиҳои олимпии Париж чӣ гуна ҷараён дорад?
- Мо аллакай омодагиро ба Бозиҳои олимпӣ оғоз кардем. Ҳамааш хуб рафта истодааст. Ҳамроҳи мураббиам Бобоҷонов Алӣ дар ҳамкорӣ бо Федератсияи бокси Ҷумҳурии Тоҷикистон нақша кашидаем ва аз рӯи он ҳоло амал карда истодаем.
Ҳошим РАҲМАТУЛЛОЕВ, "ҶТ"
Хабарҳои дигар
Рӯзнома
Эзоҳи худро нависед