ВАРЗИШ
Сешанбе 18 Сентябр 2018 10:22
4846
Аз сабаби ширкат намудани дастаи мунтахаби ҷавонони кишвар оид ба футбол дар мусобиқаи байналмилаӣ дар ҷумҳурии Чин, футболи кишвар ба танаффуси 2 ҳафтаина баромада буд.

Пас аз ин фосила, 13-уми сентябр ду бозии даври шонздаҳуми чемпионати кишвар оид ба футбол миёни дастаҳои лигаи олӣ доир гардид.
Дар майдони марказии шаҳри Душанбе яке аз довталабони қаҳрамонӣ, дастаи “Истиқлол”-и шаҳри Душанбе бошгоҳи “Регар-ТадАЗ”-и шаҳри Турсунзодаро пазируфта, бо ҳисоби 2-0 шикаст дод. Муаллифи ҳарду голи душанбегиҳо ҳамлагар Шериддин Бобоев дониста шуд. Шериддин дар дақиқаи 42-ум бо як зарбаи нишонрас тӯбро вориди дарвозаи Рустам Ризоев кард. Пас аз 7 дақиқа ба номаш голи дуюмро сабт намуд.

Дидори дигар, ки дар майдони “20-солагии Истиқлолияти Тоҷикистон” -и шаҳри Хуҷанд ҷараён гирифт бо ғалабаи мизбонон ба поён расид.

Дастпарварони бошгоҳи “Хуҷанд”-и шаҳри Хуҷанд, ки ин мавсим дуюмин довталаби каҳрамонии мусобиқаи мазкур ҳисобида мешаванд, тими “Барқчӣ”-и шаҳри Ҳисорро бо ҳисоби 3-0 мағлуб карданд. Голҳоро Дилшод Бозоров (6), Ҷаҳонгир Эргашев (45+1) ва Дилшод Каримов (86) вориди дарвозаи ҳариф намуданд.

Ду рақобати навбатии ин давр 14-уми сентябр баргузор мешавад.

Дар ин рӯз тими ССКА “Помир”-и шаҳри Душанбе дар майдони худ дастаи “Панҷшер”-и ноҳияи Ҷалолиддини Балхиро қабул менамояд. Бозингарони дастаи навкори лигаи олӣ - тими “Кӯктош”-и ноҳияи Рӯдакӣ бошанд дар майдони “Пахтакор”-и шаҳри Бохтар бо дастаи “Хатлон” қувва меозмоянд.

Пас аз натиҷагирии даври 16-уми чемпионати кишвар дар ҷадвали мусобиқа Дастаи “Хуҷанд”-и шаҳри Хуҷанд бо 39 хол (таносуби тӯбҳо 36-14 ) дар мавқеи аввал мебошад. Тими “Истиқлол”-и шаҳри Душанбе бо касби 39 имтиёз (таносуби тӯбҳо 28-13) дар ҷои дуюм қарор дорад. Бошгоҳи “Кӯктош” - и ноҳияи Рӯдакӣ бо 24 имтиёз аз 15 бозӣ дар зинаи сеюм меистад.


Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Сентябр 2018 c.