Қаҳрамони собиқи WBC Деонтей Уайлдер (43-3) итминон дорад, ки ӯ метавонад қаҳрамони WBA, IBF ва WBO Александр Усикро (21-0) ба нокаут мефиристад.

"Ман медонам, ки Усикро чӣ гуна нокаут кунам. Ман ӯро нокаут мекунам! Ин барои ман ба осонӣ даст хоҳад дод, чун ӯро хеле хуб медонам. Услуби рақобати мо ҳам бисёр шабеҳи ҳаманд. Аммо қувват, қудрат ва суръати ман аз Усик дида беҳтар аст. Ба ҳамин хотир бо боварӣ гуфта метавонам, ки ӯро ба осонӣ мағлуб месозам", - гуфтааст Уайлдер ба телевизиони “Fight Hub”.

Уайлдер ва Чжан Жилей (26-2) рӯзи 1 июн дар шаҳри Риёзи Арабистони Саудӣ қувваозмоӣ мекунанд. Дар ҳамин ҳол, Турки Ал-Шайх гуфт, ки Уайлдер рӯзи 3 август дар Лос-Анҷелеси ИМА бо Ҷаред Андерсон (17:0) набард хоҳад кард. “Агар аз мубориза бо Ҷилей шифо ёбад эҳтимол бо Усик рақобат мекунад”, - изҳор дошт Турки Ал-Шайх .

Усик Тайсон Фюриро мағлуб кард (34-1) ва қаҳрамони мутлақи ҷаҳон дар вазни вазнин гардид ва соҳиби шаш камарбанд шуд: чаҳор камарбанди асосӣ (WBA (Super), WBC, IBF, WBO) ва ду камари хурд (IBO ва The Ring). Ин мубориза рӯзи 19 май дар майдони “Kingdom Arena”-и шаҳри Риёзи Арабистони Саудӣ баргузор шуда буд.