Дар деҳаи Муҷуни Ҷамоати деҳоти Муҷуни ноҳияи Деваштич майдони хурди варзишӣ ба истифода дода шуд.

Дар маросими ифтитоҳи иншооти варзишӣ гуфта шуд, ки дар доираи омодагиҳо ба истиқболи ҷашни 35-солагии Истиқлоли давлатии Ҷумҳурии Тоҷикистон майдони варзишӣ дар назди МТМУ №4-и деҳаи Муҷун бо саҳми аҳолӣ бунёд гардидааст.

Майдони варзишӣ барои бозии футболи хурд пешбинӣ гардида, дарозии он 45 метр ва паҳноӣ 22 метрро ташкил медиҳад. Иншооти варзишӣ ба маблағи беш аз 650 ҳазор сомонӣ бунёд гардида, дар он барои ба варзиш машғул шудани наврасону ҷавонон шароити мусоид фароҳам оварда шудааст.

Субҳиддин ҚОДИРОВ, “ҶТ”