Дар деҳаи “Қалъачаи Азим”-и ноҳияи Деваштич бо сокинони деҳоти “Қалъачаи Азим” ва “Қалъачаи Раис” мулоқот баргузор шуд, ки мавзӯи асосии он баррасии натиҷаҳои иҷроиши Қонуни Ҷумҳурии Тоҷикистон “Дар бораи танзими анъана ва ҷашну маросимҳо” буд.

Дар аввали мулоқот раиси Кумитаи иҷроияи Ҳизби Халқии Демократии Тоҷикистон дар ноҳияи Деваштич Комрон Исмоилзода суханронӣ намуда, аз ҷумла иброз дошт, ки “Сарвари давлат чун ҳамешагӣ нисбати халқу Ватани хеш ғамхорию эътибори ҷиддӣ дода, баҳри таъмини некуаҳволии сокинони кишвар тамоми имкониятҳои мавҷударо равона намуда истодаанд”.

Дар хотимаи мулоқот аз ҷониби раиси шӯрои маҳаллаи деҳоти “Қалъачаи Раис ва “Қалъачаи Азим” Додоҷон Шарипов оиди риоя меъёрҳои қонуни танзими анъана ва ҷашну маросимҳо дар маъракаю ҷашнҳои деҳот ҳисобот дода, аҳли нишаст ба саволҳои худ посух гирифтанд.