Дилшод Назаров, гурзандози  маъруфи тоҷик дар даври интихобии Бозиҳои XXXI тобистонаи олимпӣ дар Рио-де-Жанейрои Бразилия, ки шоми 17 август миёни 32 варзишгар доир гардид сеюмин нафар аз гурӯҳ ба даври баъдӣ роҳ ёфт.

Дилшод Назаров гурзро ба масофаи 76 метру 39 сантиметр ҳаво дода, баъди варзишгари Беларус Иван Тихон ва Войтсех Новитски полшагӣ дар зинаи сеюм қарор гирифт.

Дар даври ниҳоӣ, ки 19 август соати 21:05 ба вақти маҳаллӣ (соати 5:05-и 20 август ба вақти Душанбе) доир мегардад 12 варзишгар барои се медали олимпӣ миёни ҳам рақобат мекунанд.

Дилшод Назаров дар ин сабқат таҳти рақами 2967 дувоздаҳум нафар ба майдон мебарояд.

Рӯйхати варзишгарони ба даври ниҳоӣ роҳёфта:
1.    Иван Тихон (Беларус)
2.    Диего дел Реал (Мексика)
3.    Кристиан Парс (Венгрия)
4.    Марсел Ломински (Словакия)
5.    Давид Содерберг (Финляндия)
6.    Вагнер Домингос (Бразилия)
7.    Сергей Маргиев (Молдова)
8.    Ашраф Амғад Ал Сайфӣ (Қатар)
9.    Сергей Коломоетс (Беларус)
10.    Войтсех Новитски (Полша)
11.    Евгений Виноградов (Украина)
12.    Дилшод Назаров (Тоҷикистон)

Дар рақобати ниҳоӣ рақиби асосии Нилшод Назаров Иван Тихон, Войтсех Новитски ва Кристиан Парс, варзишгароне ки дар даври интихобӣ натиҷаи зиёдтар нишон додаанд маҳсуб мешавад.

Рекорди ҷаҳонӣ аз ин риштаи варзиш то имрӯз бо натиҷаи 86.74 метр ба Юрих Седих (Иттиҳоди Шӯравӣ) тааллуқ дорад. Ӯ ин натиҷаро 30 августи соли 1986 дар Штутгарти Олмон нишон додааст.
Рекорди олимпӣ бошад, 84.80 метр аз ҷониби Сергей Литвинов (Иттиҳоди Шӯравӣ) 26 сентябри соли 1988 дар Сеули Кореяи Ҷанубӣ гузошта шудааст.