Дар Донишкадаи тарбияи ҷисмонии Тоҷикистон ба номи С. Раҳимов 8 кафедраи варзишӣ фаъолият менамояд, ки дар онҳо донишҷӯён аз рӯи 31 ихтисоси варзишӣ таълиму тамрин мегиранд, - гуфт зимни нишасти хабарӣ Шодӣ Сафаров, ректори донишкадаи мазкур.

Зикр гардид, ки соли 2021 донишҷӯён ва омӯзгорони донишкада дар 33 мусобиқаи байналмилалӣ иштирок намуда, натиҷаҳои хуб нишон доданд.

Аз ҷумла, моҳи марти соли 2021 дар Ҷумҳурии Гурҷистон донишҷӯи бахши сеюми факултетӣ тарбияи ҷисмонӣ Шаҳбоз Саидаброров дар мусобиқаи Гран Слам дар вазни 60кг аз намуди гӯштини ҷудо иштирок намуда, сазовори ҷойи сеюм гардид. Ҳамзамон, дар Чемпионати Осиё аз намуди гӯштини самбо донишҷӯёни донишкада - Субҳиддин Халилзода дар вазни 71кг соҳиби ҷойи 2-юм ва Бахтиёр Иброимзода дар вазни 64кг сазовори ҷойи 2-юм шуданд.