ВАРЗИШ
Якшанбе 26 Май 2024 07:26
9537
Мирзоҷамил Рамазонов ва Ҳақназар Назаров ду паҳлавони кишвар дар аввалин чемпионати кушоди Русия оид ба гӯштингирӣ, ки 21 ва 22-юми июл дар маркази ҷудои “Батир”-и шаҳри Қазон баргузор гардид, соҳиби медали тилло гардиданд.

Бояд гуфт, ки натиҷаи мазкурро Ҳақназар Назаров байни гӯштингирони вазни то 90 кг ва Мирзоҷамил Рамазонов бошад, дар вазни то 75 кг ба даст оварданд. Дар мусобиқаи мазкур баробари варзишгарони тоҷик, инчунин варзишгарон аз минтақаҳои мухталифи Русия иштирок доштанд.

Тибқи маълумоти ҷойдошта дар мусобиқа котиби генералии Федератсияи миллии гӯштингирии Тоҷикистон Абдулло Саидхоҷаев, муовини вазири варзиши Ҷумҳурии Тотористон Халил Шайхутдинов ва дигар шахсони расмӣ ширкат доштанд.

Я. МАҲМАДНАБИЕВ, “ҶТ”

Эзоҳи худро нависед



Рамзҳо дар расм