Дар Чемпионати ҷаҳон оид ба самбо миёни ҷавонон ва калонсолон, ки рӯзҳои 5-8 ноябр дар шаҳри Нови Сади Сербия доир гардид, 4 варзишгари тоҷик соҳиби медал гардиданд.

Дар чемпионати мазкур 400 варзишгар аз 30 давлати дунё иштирок карда, барои мақомҳои ифтихорӣ миёни ҳам рақобат намуданд.

Акмалиддин Каримов, паҳлавони маъруфи кишвар дар Чемпионати ҷаҳон оид ба самбо миёни ҷавонон ва калонсолон дар вазни -57кг рақибони худро аз Фаронса, Ӯзбекистон ва Украина шикаст дода, дар даври ниҳоӣ аз паҳлавони русиягӣ Владимир Гладкихи бо ҳисоби 0:1 ноком шуд ва сазовори медали нуқра гардид.

Медалҳои биринҷиро Комроншоҳ Устопириён дар вазни -90кг, Хушқадам Хусравов дар вазни -62кг миёни мардҳо ва Самеъҷон Абдушукуров дар вазни -87кг миёни ҷавонон сазовор гардиданд.