22-29 январ дар шаҳри Тошканди Ҷумҳурии Ӯзбекистон аввалин Чемпионати Осиё оид ба бокс миёни ҷавонони то 22-сола баргузор шуд.

Дар чемпионати мазкур 190 варзишгар аз 12 давлати қора иштирок намуда, барои ба даст овардани мақомҳои ифтихорӣ миёни ҳам қувваозмоӣ намуданд.
Дар финали мусобиқа 7 нафар узви дастаи мунтахаби Тоҷикистон муҳориба карданд ва танҳо Давлат Болтаев дар вазни -92кг ба гирифтани медали тилло мушарраф шуд. Давлат Болтаев дар финал бар варзишгари Қирғизистон Рустам Урурсбек пирӯз гардид.

Ҳамин тариқ, аз 18 узви дастаи мунтахаби Тоҷикистон дар Чемпионати Осиё оид ба бокс миёни ҷавонони то 22-сола 11 нафар ба гирифтани медал мушарраф шуданд – 1 тилло, 6 нуқра ва 4 биринҷӣ.