ВАРЗИШ
Якшанбе 16 Январ 2022 03:30
8325
Дар Қасри теннис ва маҷмааи варзиши обии шаҳри Душанбе аз 3-юм то 5-уми октябри соли ҷорӣ 8-умин Мусобиқаи байналмилалии ҷудо барои дарёфти Ҷоми Президенти Ҷумҳурии Тоҷикистон баргузор гардид.

Мусобиқаи мазкур бори ҳаштум баргузор гардида, дар он ба ҷуз аз ҷудокорони тоҷик, инчунин варзишгарон аз кишварҳои Ӯзбекистон, Қазоқистон, Русия ва Беларус ширкат варзиданд. Қувваозмоиҳо аз рӯи 4 вазн (-66, -81, -90 ва +90 кг) миёни мардҳо баргузор шуданд.

Дар рӯзи аввали рақобат дар вазни -66кг ҷудокори Ӯзбекистон – Дилшодбек Юлдошев ҷои аввалро ишғол намуда, соҳиби 8-умин Ҷоми Президенти Ҷумҳурии Тоҷикистон шуд. Дар ин вазн ҷойи 2-юмро Фирӯз Мелибойзода, ҷойҳои 3-юмро Орифҷон Додов ва Абубакр Боқиев варзишгарони тоҷик соҳиб шуданд.     

Рӯзи дуюми қувваозмоӣ дар вазни -81кг бо пирӯзии ҷудокори тоҷик Умар Расулов ба поён расид.

Дар рӯзи охири мусобиқа рақобатҳо дар вазнҳои -90кг ва +90кг сурат гирифт.

Комроншоҳ Устопириён ҷудокори тоҷик дар давраи ниҳоии вазни -90кг бо варзишгари Ӯзбекистон Шермуҳаммад Ҷандреев рақобат намуда, ғолиби Ҷоми Президент дар вазни -90кг гардид. Ҷои дуюм насиби Шермуҳаммад Ҷандрееви ӯзбекистонӣ, ҷойҳои сеюм насиби Исроил Раҳимов вазишгари тоҷик ва Достон Мелиев варзишгари ӯзбек гардид.

Дар вазни +90 кг варзишгари тоҷик Темур Раҳимов дар даври ниҳоӣ бо ҷудочии Русия Антон Брачев рақобат намуда, ғолибият ба даст овард. Ҷойи дуюмро Антон Брачев варзишгари рус ва ҷойҳои сеюмро Бекмурод Олтибоев ва Шоҳруххон Бахтиёров варзишгарони ӯзбек соҳиб гардиданд.

Дар охир ба ғолибон ва ҷоизадорони мусобиқа дар баробари медал бо мукофотпулӣ қадр карда шуданд. Ба ғолибони мусобиқа 30 000 сомонӣ, ҳамчунин ҷом, ба барандагони медали нуқра 10 000 сомонӣ ва ба барандагони медали биринҷӣ 5000 сомонӣ супорида шуд.

Хайёми КОМИЛҶОН, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Январ 2022 c.