Ба муносибати ҷашни 35-умин солгарди Истиқлоли давлатии Ҷумҳурии Тоҷикистон дар шаҳри Душанбе силсилаи чорабиниҳои муҳими фарҳангӣ ва варзишӣ баргузор мегарданд.

Тибқи иттилоъ, ташкили ин тадбирҳо бо дастгирӣ ва ибтикори Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ роҳандозӣ шуда, ба истиқболи яке аз муҳимтарин ҷашнҳои миллӣ амалӣ карда мешавад.

Ҳадафи асосии баргузории чорабиниҳо таҳкими эҳсоси ватандӯстӣ ва худшиносии миллӣ, муаррифии дастовардҳои замони соҳибистиқлолӣ, тарғиби тарзи ҳаёти солим ва ғанӣ гардонидани фазои фарҳангии пойтахт арзёбӣ мегардад.

Инчунин, интизор меравад, ки чорабиниҳои пешбинишуда барои фароҳам овардани муҳити идона ва болидахотирӣ миёни сокинон ва меҳмонони шаҳри Душанбе мусоидат намуда, шукуҳу шаҳомати ҷашни 35-солагии Истиқлоли давлатии Ҷумҳурии Тоҷикистонро боз ҳам бештар намоянд.

Я. МАҲМАДНАБИЕВ, “ҶТ”