3-юми март дар маҷмааи варзишии “Ҳумо Арена”-и шаҳри Тошканд байни намояндагони Федератсияи байналмилалии ҷудо ва Исмоил Маҳмадзоир, президенти Федератсияи ҷудои Тоҷикистон маросими имзои созишнома бобати мизбонии Чемпионати ҷаҳон оид ба ҷудо миёни наврасону ҷавонон дар шаҳри Душанбе доир гашт.

Дар ин бора Федератсияи ҷудои Тоҷикистон иттилоъ дод.

Бино ба иттилои манбаъ, дар натиҷаи имзои қарордод ҷонибҳо барои гузаронидани Чемпионати ҷаҳон оид ба ҷудо миёни наврасону ҷавонон дар шаҳри Душанбе ба мувофиқа расиданд.

Мувофиқи созишномаи мазкур шаҳри Душанбе моҳи октябри соли ҷорӣ мизбони Чемпионати ҷаҳон оид ба ҷудо миёни наврасону ҷавонон хоҳад гашт.

Ҳошим РАҲМАТУЛЛОЕВ, “ҶТ”