Дар шаҳри Гулистон мусобиқаи байналмилалӣ оид ба футбол “GRASSROOTS TAJIKISTAN-2019” байни наврасон ба охир расид. 

Дар мусобиқа 8 даста, 5 даста аз Ҷумҳурии Тоҷикистон, 1 даста аз Ҷумҳурии Ӯзбекистон, 1 даста аз Ҷумҳурии Қазоқистон ва 1 даста аз Ҷумҳурии Қирғизистон иштирок намуданд. 

Дар даври ниҳоӣ дастаи “Душанбе” бар дастаи “Джейран”-и Қазоқистон бо ҳисоби 3:0 ғалаба карда, ғолиби мусобиқа дониста шуд. Дастаи “НТМ” дар бозӣ барои ҷойи сеюм дастаи “Насаф” аз Ҷумҳурии Ӯзбекистонро 1:0 шикаст дод.

Ба ғолибон Ҷом, медал, ифтихорнома ва туҳфаҳои хотиравӣ супорида шуд.