Эмомалӣ Нуралӣ дар мусобиқаи “Tashkent Grand Slam 2024”, ки аз 1 то 3 март дар шаҳри Тошканди Ҷумҳурии Узбекистон идома дорад, соҳиби медали тилло гардид.

Ӯ дар финал ҷудокори исроилӣ Барух Шмаиловро мағлуб намуда, ҷои якумро сазовор гардид.

Бояд гуфт, ки барои баромадан ба финал Эмомалӣ Нуралӣ бар Мартин Сетс аз Олмон, Кубаничбек Айбек Уулу аз Қирғизистон ва Яго Абуладзе аз дастаи варзишгарони фардии бетараф пирӯз шуд.

Рӯзи якуми мусобиқа барои Шукрона Қарчиева (-48кг), Аҳлия Муъминова (-52кг), Фазилат Гулбоева (-57кг), Муҳаммадсолеҳ Қувватов (60 кг) ва Ҳақдод Гулов (60 кг) бе натиҷа анҷом ёфт.

Яҳё МАҲМАДНАБИЕВ, “ҶТ”