Паҳлавони номошнои меҳан Эмомалии Нуралӣ (-66 кг) дар мусобиқаи Гранд Слами Душанбе иштирок намекунанд. Дар ин боро худи варзишгар ба рӯзномаи “Ҷавонони Тоҷикистон” хабар дод.

“Бо вуҷуди он ки бисёр мехостам дар аввалин Гранд Сламе, ки кишварамон онро баргузор мекунад, иштирок намоям, аммо ин фурсат ба ман даст надод. Сабаби иштирок накарданам ин аз меъёри муқарраршуда каме зиёд будани вазнам аст. Дар баробари ин, ҳамчунин, мусобиқаи Чемпионати ҷаҳон дар пеш аст, ки бо Гран Слами Душанбе қариб дар як вақт баргузор мегардад ва ман низ иштирокчии он ҳастам. Бинобар ин, наметавонам, ки яку якбора худро ба ҳардуи ин мусобиқоти муҳим омода намоям”,- гуфт Эмомалӣ.

Дар баробари Эмомалӣ Сомон Маҳмадбеков ҳам бо сабаби омодагӣ ба Чемпионати ҷаҳонии ҷудо дар Гранд Слами Душанбе иштирок намекунад.

Яҳё МАҲМАДНАБИЕВ, “ҶТ”