Федератсияи байналмилалии ассотсиатсияҳои футбол (FIFA) дар даҳ соли оянда барои рушди варзиши рақами 1-и ҷаҳон ба 211 федератсияи миллӣ, аз ҷумла Тоҷикистон 4 миллиард доллар медиҳад.

Ба иттилои сомонаи расмии FIFA, ин тасмим дар ҷаласаи охири федератсия, ки дар шаҳри Сюррихи Швейтсария доир гашт, гирифта шуд. Зикр шуд, ки шумораи умумии бозингарон, мураббиён, доварон ва мухлисони футбол дар ҷаҳон аз 45 то 60 дарсад афзудааст. Ҳамчунин, роҳбарияти Федератсияи байналмилалии футбол иброз дошт, ки дар фикри тағйири номи созмон ва кӯчондани қароргоҳаш аз Швейтсария ҳастанд.

"Қувваҳое ҳастанд, ки намехоҳанд тағйирот шавад. Ба ман фарқ надорад, ки кистанд онҳо. Мо ислоҳот гузаронда, корро шаффоф ба роҳ мондем ва ба пеш ҳаракат хоҳем кард. Гузашта дар гузашта монд. Мо саҳифаро гардондем", - гуфтааст президенти FIFA Ҷаннӣ Инфантино.