Федератсияи футболи Байналмилалӣ (ФИФА) имрӯз, 15 март рӯйхати нави тими мунтахабҳоро нашр намуд. Дар раддабандии навбати дастаи якачини кишвар оид ба футбол бо касби 255 имтиёз дар мавқеи 124 ҷой гирифт. Тими мунтахаби Тоҷикистон дар рейтинги навбати як зина боло рафт.

Дастаи миллии Олмон бо касби 1609 хол садрнишини ҷадвал аст. Дар зинаҳои дуюм ва сеюм мунтахабҳои Бразилия (1489) ва Португалия (1360) қарор гирифтаанд.

Миёни дастаҳои якачини Осиё тими миллии Эрон бо касбӣ 792 имтиёз дар зинаи аввал қарор дорад. Австралия (740) ва Ҷопон (593) ҷойҳои дуюм ва сеюмро касб намудаанд. Дастаи миллии Тоҷикистон дар миёни мунтахабҳои Осиё мавқеи 22 соҳиб шуд.

Ёдовар мешавем, ки тими мунтахаби Тоҷикистон дидори охиринашро дар доираи бозиҳои гурӯҳии Ҷоми Осиё-2019 дар гурӯҳи “F” бо дастаи Филиппин баргузор менамояд. Ин бозӣ 27 март дар Варзишгоҳи “Ҷозе Ризал”-и шаҳри Манилаи Филиппин доир мегардад. Рақобат соати 16:30 бо вақти Душанбе оғоз мегардад.

Раддабандии ФИФА:

1 (1). Олмон – 1609 имтиёз

2 (2). Бразилия – 1489

3 (3). Португалия – 1360

4 (4). Аргентина – 1359

5 (5). Белгия – 1337

6 (7). Полша – 1228

6 (6). Испания – 1228

8 (8). Швейтсария – 1197

9 (9). Фаронса – 1185

10 (10). Чили – 1161

124. (124). Тоҷикистон - 255