ВАРЗИШ
Душанбе 10 Декабр 2018 08:09
4188
Тими миллии Тоҷикистон оид ба футбол дар раддабандии навбатии Федератсияи байналмилалии футбол, дар байни 211 кишвар бо касби 271 имтиёз, дар зинаи 118 қарор гирифт.

Дар феҳристи нави Федератсияи байналмилалии футбол (ФИФА), якачини Олмон бо 1533 имтиёз садрнишини ҷадвал мебошад. Дастаҳои мунтахаби Бразилия бо 1384 хол ва Белгия бо 1346 имтиёз дар ҷойҳои дуюм ва сеюм қарор гирифтанд.

Мунтахаби Тоҷикистон дар миёни дастаҳои Конфедиратсияи футболи Осиё (КФО) мақоми 22 соҳиб шуд. Пешсафи тимҳои мунтахаби Осиё, дастаи Эрон бо 727 хол (дар ҷаҳон 36) дониста шуд. Мунтахаби Австралия бо 700 имтиёз дар мақоми дуюм аст (дар ҷаҳон 40). Ҷопон бо касби 528 имтиёз (дар ҷаҳон 60) дар ҷои сеюм қарор дорад.

Ёдовар мешавем, ки дастаи миллии кишвар назар ба раддабандии моҳи март, шаш зина боло гардид.

Қобили зикр аст, раддабандии Федератсияи байналмилалии футбол (ФИФА) аз соли 1993 тартиб дода, имтиёзҳо ба кишварҳо аз рӯи натиҷаи дастаи мунтахаби миллиашон дар давраи чаҳор сол дода мешавад. Нишондоди беҳтарини мунтахаби Тоҷикистон дар рейтинги ФИФА моҳи июни соли 2013 (ҷойи 106) ва ва натиҷаи пастаринаш соли 2003 ҷойи 180 мебошад.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Декабр 2018 c.