ВАРЗИШ
Якшанбе 23 Июн 2024 05:26
8041
25 май ширкати “Формула 55” ва Лигаи футзали Тоҷикистон як шартномаи ҳамкорӣ ба имзо расониданд, ки мувофиқи он “Формула 55” дар мавсими 2021 сарпарастии Лигаи касбии футзали кишварро ба уҳда хоҳад дошт.

Зимни бастани шартнома, ки дар бинои Федератсияи футболи Тоҷикистон гузашт, директори генералии ширкати “Формула 55” Баҳром Подчаев, роҳбари Лигаи футзали Тоҷикистон Фурқат Аҳмадҷонов ва рӯзноманигорон ширкат доштанд.

Қайд карда шуд, ки имрӯз футзали Тоҷикистон то рафт миёни дӯстдорони футзал ва ҳирфавиён ин навъи варзиш нуфуз пайдо карда истодааст. Изҳори умед карда шуд, ки ин ҳамкорӣ барои самаранокӣ ва рушди бештари футзал ва дар маҷмӯъ, барои рушди соҳаи варзиш мусоидат хоҳад кард.

Хотиррасон мекунем, ки ширкати “Формула 55” сарпарасти Лигаи футзал дар Чемпионати Тоҷикистон доир ба футзал миёни лигаҳои олии “Serie pro” -2019 буд.

Ҳасан Азизов, рӯзноманигор

Эзоҳи худро нависед



Рамзҳо дар расм