Бахшида ба Рӯзи Истиқлолияти давлатӣ, “Соли ҷавонон” ва баҳри дарёфти Ҷоми “Роштқалъа” дар варзишгоҳи марказии ноҳияи Роштқалъа бо иштироки 15 даста мусобиқаи футбол баргузор гардид.

Дар бозии нимниҳоӣ дастаҳои “Рождара” ба ”Пастарез” (2:1) ва “Анҷин” ба тими “Савир” (3:2) ғолиб омаданд.

Дар даври ниҳоӣ дастаҳои “Рождара” ва “Анҷин” рақобат намуда, дастаи “Рождара” бар рақибаш бо ҳисоби 2:1 пирӯз шуд.

Ғолибонро Зӯҳро Муллоҳукматова, мудири Бахши кор бо ҷавонон ва варзиши ноҳияи Роштқалъа бо Ҷом, нишон, ифтихорнома ва мукофоти пулӣ сарфароз намуд.

Машҳур ИМОМНАЗАРОВ, “ҶТ”