Имрӯз Федератсияи футболи умумиҷаҳонӣ (FIFA) мавқеҳои нави дастаҳои футболи ҷаҳонро нашр намуд.

Дар ин радабандӣ тими мунтахаби футболи Тоҷикистон бо касби 205 имтиёз як зина боло рафта, ба мақоми 137-ум баромад.

Садрнишини ҷадвал дастаи мунтахаби Бразилия бо 1715 хол буда, ҷойи дуюмро дастаи мунтахаб Аргентина ва Олмон бошад, зинаи сеюмро касб намудаанд.

Дар миёни дастаҳои Осиё тимҳои Эрон, Кореяи Ҷанубӣ ва Ҷопон дар зинаҳои ифтихорӣ қарор доранд. Тими мунтахаби Тоҷикистон бошад дар ин радабандӣ байни дастаҳои Осиё мақоми 24-умро ишғол намудааст.

Тими мунтахаби Тоҷикистон бозии навбатии худро дар доираи бозиҳои гурӯҳии Ҷоми Осиё-2019 бо тими Филиппин рӯзи 13 июн дар варзишгоҳи марказии кишвар баргузор менамояд.

Шаҳбози АСОМИДДИН, “ҶТ”