Ё дар роҳи Париж-2024 аксар роҳнавардон маълум шуданд

Дар Қасри теннис ва маҷмааи варзиши обии шаҳри Душанбе паҳлавонони сартосари кишвар аз намуди гӯштини тарзи озод ба ҳам омаданд.
Ин баҳамоии паҳлавононро сабаб Чемпионати Ҷумҳурии Тоҷикистон буд, ки санаи 28 январ доир гардид.

Мусобиқа аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Федератсияи гӯштини Тоҷикистон гузаронида шуд.
Дар маросими ифтитоҳии он Абдулло Раҳмонзода, раиси Кумитаи кор бо ҷавонон ва варзиш ва президенти тозаинтихоби Федератсияи гӯштини Тоҷикистон Ҷамшед Машрабзода иштирок ва суханронӣ намуданд.

Юсуф Абдусаломов, паҳлавони доғистонитабор, дорандаи медали нуқраи Бозиҳои олимпии Пекин-2008, ки бо даъвати Федератсияи гӯштини Тоҷикистон чанде қабл ба кишвари мо омада буд, мусобиқаи мазкурро назорат намуд.

Ба гуфтаи Саидҷалол Саидов, ноиби президенти Федератсияи гӯштини Тоҷикистон гуфтушунид бо Юсуф Абдусаломов дар мавриди ба ҳайси мураббӣ омаданаш ба Тоҷикистон анҷом дода шудааст ва бо эҳтимоли зиёд баъди чемпионати мазкур ӯ корро дар ин самт оғоз мекунад.

Абдурозиқ Олимов, сармураббии гӯштини тарзи озод дар кишвар зимни суҳбат иброз намуд, ки мусобиқа дар сатҳи баланди ташкилӣ ва бо қонуну қоидаҳои мутобиқ ба федератсияи ҷаҳонии гӯштин доир гардида, нафароне, ки унвони қаҳрамониро ба даст оварданд, моҳи март кишвари моро дар Чемпионати Осиё, ки дар Деҳлии Ҳиндустон доир мегардад, муаррифӣ мекунанд.

Ҳамзамон, дар мусобиқаи мавриди назар ду легионери доғистонитабор Абдулмаҷид Кудиев ( 65 кило) ва Магамет Евлоев (74 кило) иштирок намуданду унвони қаҳрамониро ба даст оварданд, аз ин пас зери Парчами Тоҷикистон ҳунарнамоӣ мекунанд.

Дар охири рӯз ғолибон аз рӯи 10 категорияи вазнӣ ба таври зайл маълум гардиданд:

Ғолибони Чемпионати Тоҷикистон оид ба гӯштини тарзи озод:

Вазни то 57 кг
1. Ҳикматулло Воҳидов (Душанбе)
2. Сунатулло Бобоев (Душанбе)
3. Қаюмҷон Ҳалимов (Душанбе)
3. Ҳусейн Маликов (Душанбе)

Вазни то 61 кг
1. Муҳаммад Икромов (Душанбе)
2. Муҳаммад Наимов (Душанбе)
3. Фаррух Зоиров (Хатлон)
3. Рустам Ибрагимов (Суғд)

Вазни то 65кг
1. Абдулмаҷид Кудиев (Душанбе)
2. Фотеҳҷон Олимов (Суғд)
3. Ҷамшед Шарифов (Душанбе)
3. Аҳрор Ёрмуҳаммадов (Душанбе)

Вазни то 70кг
1. Мустафо Аҳмедов (Душанбе)
2. Комрон Холов (Душанбе)
3. Муборак Қурбонбеков (ВМКБ)
3. Саидалӣ Холов (Душанбе)

Вазни то 74кг
1. Магамет Евлоев (Душанбе)
2. Мадасан Ашрофхонов (Душанбе)
3. Масъуд Давронов (Душанбе)
3. Мусо Эмомов (Душанбе)

Вазни то 79кг
1. Сомонҷон Икромов (Душанбе)
2. Муҳаммадалӣ Абдуллоев (Душанбе)
3. Асрор Мирхоҷаев (Душанбе)
3. Пулодҷон Бурҳонов (Суғд)

Вазни то 86 кг
1. Салимҷон Ҳалимзода (Душанбе)
2. Абдубашир Бобохонов (Душанбе)
3. Шерзод Музафаров (Душанбе)
3. Шуҳрат Бозоров (Душанбе)

Вазни то 92кг
1. Маҳмадҷон Ализода (Суғд)
2. Беҳрӯз Одинаев (Душанбе)
3. Тутиё Карамхудоев (ВМКБ)
3. Наврӯз Назиров (ВМКБ)

Вазни то 97кг
1. Раҳмон Маҳмадбеков (Душанбе)
2. Мақсад Мансуров (Суғд)
3. Амирҷон Сангов (Душанбе)
3. Сафар Маҳмадалиев (Хатлон)

Вазни то 125кг
1. Фарҳод Азизқулов (Душанбе)
2. Файзӣ Файззода (Душанбе)
3. Илҳомхуҷа Мирзохуҷаев (Хатлон)
3. Комрон Маҳмадалиев (Душанбе)