24 - 28 май дар шаҳри Ҳоҳҳоти Ҷумҳурии мардумии Чин мусобиқаи байналмилалӣ оид ба ҷудо баргузор мегардад.

Мусобиқаи мазкур аввалин мусобиқаи литсензионӣ ба Бозиҳои олимпии Токио-2020 буда, дар ин чорабинӣ 381 варзишгар (213 мард, 168 зан) аз 49 давлати дунё ширкат менамоянд.

Тоҷикистонро дар “Гран-При” оид ба ҷудо се варзишгар Суҳроб Боқиев, Комроншоҳи Устопириён ва Саидҷалол Саидов муаррифӣ менамоянд ва барои сафарбар намудани варзишгарон аз ҷониби Кумитаи кор бо ҷавонон ва варзиш 34812 (сиву чор ҳазору ҳашсаду дувоздаҳ) сомонӣ маблағ ҷудо гардидааст.