ВАРЗИШ
Чоршанбе 23 Октябр 2024 10:22
Гранд Слами Душанбе. Мусобиқае, ки баёдмонданӣ гашт барои миллати тоҷик. Мусобиқае, ки бо ташкил ва баргузории худ бори дигар ба ҷаҳониён исбот намуд, ки миллати тоҷик дилбас-таи гӯштини ҷудо асту варзишгарони худро дар ин самт ҳамаҷиҳата дастгирӣ менамояд. Ҳар як варзишгар ва меҳмоне, ки барои иштирок дар ин мусобиқа озими шаҳри Душанбе гашта буд, аз тамошои толори пур аз ҳаводор дар ҳайрат монд.
Воқеан ҳам, ҷаззобияти гӯштини ҷудо дар толори мусобиқа ба авҷи аъло расида буд. Ҳама мухлисон барои ҳаводории варзишгари дӯстдоштаи худ ба толор ворид гаштанд ва аз таҳти дил онро мухлисӣ карданд. Тими мунтахаби кишвар дар иҳотаи мухлисони худ дар Гранд Слами Душанбе ҳунарнамоии арзанда нишон дода, бо гирифтани 7 медал - 1 тилло, 3 нуқра ва 3 биринҷӣ мавқеи чоруми ҷадвалро моли худ кард. Аммо берун аз ҳама дастоварду нишонҳо ва ҷоизаву туҳфаҳо бояд қайд кард, ки ин мусобиқа сабаб гашт, то чеҳраҳои нав дар майдони рақобатҳо пайдо шуда, барои рушди минбаъдаи ин навъи варзиш дар кишвар замина гузоранд.
БОЗЁФТ АЗ ГРАНД СЛАМИ ДУШАНБЕ
Дар матлаби мазкур перомуни нафаре ҳарф хоҳем зад, ки ӯ тавонист дар аввалин иштироки худ дар вазни 90 кг ба гирифтани медал мушарраф гардад. Ин нафар Муҳаммадҷон Абдуҷалилзода аст. Қаҳрамони мо тавонист ба ҷавонӣ ва камтаҷрибагии худ нигоҳ накарда, дар муқобили варзишгарони шинохта ва ботаҷриба рақобати арзанда нишон диҳад. Вақте ҳамагон дар мавриди варзишгарони шинохта ва эътимодноки кишвар ҳарф мезаданд, касе сухане аз ин варзишгари ҷавону чолок ба забон намеовард. Ҳатто коршиносони ҷудо низ дар вазни 90 кг ин варзишгарро ба қатори фаворитҳои асосӣ баҳри ба даст овардани медал намедонис-танд. Хулосаи онҳо низ чанд сабаб дошт. Ин сабабҳо агар аз як тараф дар синни кам ва таҷрибаи кофӣ надоштани ин варзишгар бошад, аз тарафи дигар сабаб дар он буд, ки Муҳаммадҷон нав ба вазни 90 кг гузашта буд ва таҷрибаи дар ин вазн рақобат карданро надошт.
Аммо ба ҳамаи ин нигоҳ накарда, ин варзишгар ба худ бовар дошт ва бо матонату иродаи қавӣ ба рақобатҳо шомил мешуд, то баҳри пирӯзӣ талош намояд. Муҳаммадҷон рақобатҳои Гранд Слами Душанберо аз марҳилаи аввал оғоз кард. Қаҳрамони мо дар ин давр муқобили Бакар Эрашвилии гурҷӣ рақобати арзанда нишон дода, ҳарифро шикаст дод ва роҳи худро ба даври дуюм ҳамвор сохт. Дар марҳилаи баъдӣ ҳарифи Муҳаммадҷон намоянда аз Фаронса Паул Ливосли буд, ки варзишгари мо бе мушкилӣ ҳарифи худро мағлуб кард. Ҳамин тавр, варзишгари ҷавони мо роҳ ёфт ба марҳилаи чаҳорякниҳоии сабқати мазкур. Дар ин марҳила ҳарифи ӯ Марсело Гомеси бразилиягӣ гашт. Ин варзишгари бомаҳорату пуртаҷриба низ садди роҳи Муҳаммадҷон гашта натавонист. Рақобати онҳо то ба даври тиллоӣ рафта, билохира варзишгари тоҷик тавонист, бо имтиёзи зебои иппон роҳи худро ба марҳилаи ниманиҳоӣ боз намояд. Аммо, мутаассифона, бахт ба рӯи Муҳаммадҷон дар даври ниманиҳоӣ нахандид. Ӯ дар ин марҳила аз Давид Кламмерти чехӣ мувоҷеҳи шикаст шуда, ба даври тасаллобахш роҳ ёфт. Бо вуҷуди ин ҳама ҷудокори мо дилмонда нагашт ва талош намуд, то ҳадди ақал ба гирифтани медали биринҷӣ даст ёбад. Ҳамин талошҳояш сабаб гашт, то бо шикаст додани ҳарифони худ медали биринҷии рақобатро моли худ намояд.
Ҳангоми пирӯзӣ ва ба даст овардани медал беихтиёр аз чашмони Муҳаммадҷон ашк ҷорӣ шуд. Ин ашки фараҳу шодӣ ва ифтихор аз медали бадастоварда буд. Ҳаводорону мухлисон низ варзишгари тоҷикро бо кафкӯбиҳо табрик мекарданду аҳсану офаринаш мехонданд. Бале, воқеан натиҷаи нишондодаи ин варзишгари меҳан шоёни таҳсин аст. Зеро, чуноне дар боло қайд кардем, ин иштироки аввалини Муҳаммадҷон дар вазни 90 кг буд. Бо он ки аз ҳунару маҳорат ва рафти рақобатҳои варзишгарон дар ин вазн огоҳӣ надошт, ба гирифтани чунин натиҷа даст ёфт.
ФИНАЛИ ТОҶИКОНА ДАР ЧЕМПИОНАТИ ОСИЁ
Муҳаммадҷон Абдуҷалилзода ҳамчунин дар чанде аз сабқатҳои хориҷ аз кишвар низ ба гирифтани нишонҳои назаррас мушарраф шудааст. Беҳтарин дастоварди ӯ дар мусобиқоти берун аз кишвар ин ба даст овардани нишони нуқраи Чемпионати Осиё оид ба ҷудо байни наврасон ва ҷавонон буд, ки соли 2021 дар Лубнон баргузор гашт. Мусобиқаи мазкур аз 2-юм то 5-уми декабри соли 2021 ҷараён гирифта, варзишгарони 17 кишварро гирди ҳам оварда буд. Муҳаммадҷон дар ин мусобиқа зери вазни 81 кг баромад мекард. Ӯ рақобатҳоро аз марҳилаи чаҳорякниҳоӣ оғоз карда, дар марҳилаи аввалин тавонист бо ду имтиёзи вазарӣ варзишгар аз Сурияро шикаст диҳад. Дар рақобати марҳилаи ниманиҳоӣ варзишгари ҷавони кишвар намояндаи Ҳиндустонро бо имтиёзи зебои иппон шикаст дода, роҳи худ-ро ба марҳилаи финалии рақобат ҳамвор сохт. Дар марҳилаи ниҳоии мусобиқа мухлисону ҳаводорони ҷудо шоҳиди финали тоҷикона гаштанд. Дар ин марҳила қаҳрамони мо бо варзишгари дигаре аз Тоҷикистон Шодмон Ризоев баҳри ба даст овардани нишони тилло рақобат намуд. Муҳаммадҷон дар рақобат ба муқобили Шодмон Ризоев ба шикаст мувоҷеҳ шуда, нишони нуқраро ба даст овард. Аммо аз ин чандон нороҳат нашуд. Зеро медали тилло ба хазинаи варзишии Тоҷикистон ворид гардида буд. Дар яке аз суҳбатҳои худ Муҳаммадҷон ин лаҳзаро чунин шарҳ додааст:
“Орзуи гирифтани медали тиллоро доштам. Аммо дар насибам медали нуқра будааст. Ба ҳаминаш ҳам шукр. Ман бештар аз он хушҳолам, ки дар даври ниҳоӣ ҷойи аввалро ҳамватани ман Шодмон соҳиб гашт”.
Қаҳрамони мо ҳамчунин барандаи ду медали биринҷӣ: яке аз Чемпионати Осиё миёни ҷавонон дар соли 2023 ва дигаре аз Ҷоми Осиё миёни ҷавонон дар соли мазкур мебошад. Ин аз шумори дастовардҳои назаррасе буд, ки Муҳаммадҷон ба он ноил гардидааст.
ПИСАРИ ВАРЗИШГАР
Муҳаммадҷон дар оилаи варзишгар ба дунё омадааст. Падари ӯ худ ҷудокор буд. Бо дидани тамринҳои падар меҳри ҷудо дар қалби ӯ ҷо мегирад. Ҳатто баъзе аз ҳаракатҳои падарро омӯхта, дар кӯча бо ҳамсолонаш он усулҳоро меомӯзонид. Дар аввал ӯ ба гӯштини миллӣ шавқу ҳаваси бештар дошт. Ҳамеша интизорӣ мекашид, то фасли баҳор фаро расаду ҷашни Наврӯз оғоз шавад ва мусобиқоти гӯштин баргузор гардад. Дар ҳар як мусобиқаи гӯштине, ки дар наврӯзиҳо баргузор мегашт, Муҳаммадҷон ҳатман иштирокчии он буд. Баъдтар рӯ овард ба гӯштини ҷудо. Аз аввали ба тамрин пардохтан то ба ҳол Муҳаммадҷонро дар ин навъи варзиш Иззат Худоиев роҳнамоӣ мекунад. Қаҳрамони мо зери роҳбарии ин мураббии ҷавону бомаҳорати кишвар тамрин намуда, ба мусобиқоти гуногун омодагӣ мебинад. Муҳаммадҷон дар баробари варзишгар будан, ҳамчунин айни замон донишҷӯ низ мебошад. Ӯ донишҷӯи курси сеюми факултети молияю иқтисоди Донишгоҳи миллии Тоҷикистон аст. Дар баробари Муҳаммадҷон ҳамчунин ду бародараш низ ба варзиш машғуланд. Онҳо низ мехоҳанд идомадиҳандаи касби падар бошанд.
Аз пайдо гаштан ва ба майдони рақобатҳо шомил шудани чунин варзишгарони ҷавону умедбахш метавон ба ояндаи дурахшони ҷудои меҳан назари нек дошт. Ба монанди Муҳаммадҷон боз чандин нафароне ҳастанд, ки дар ин роҳ метавонанд ояндаи дурахшон дош-та бошанд.
Ҳошим РАҲМАТУЛЛОЕВ, “ҶТ”
Воқеан ҳам, ҷаззобияти гӯштини ҷудо дар толори мусобиқа ба авҷи аъло расида буд. Ҳама мухлисон барои ҳаводории варзишгари дӯстдоштаи худ ба толор ворид гаштанд ва аз таҳти дил онро мухлисӣ карданд. Тими мунтахаби кишвар дар иҳотаи мухлисони худ дар Гранд Слами Душанбе ҳунарнамоии арзанда нишон дода, бо гирифтани 7 медал - 1 тилло, 3 нуқра ва 3 биринҷӣ мавқеи чоруми ҷадвалро моли худ кард. Аммо берун аз ҳама дастоварду нишонҳо ва ҷоизаву туҳфаҳо бояд қайд кард, ки ин мусобиқа сабаб гашт, то чеҳраҳои нав дар майдони рақобатҳо пайдо шуда, барои рушди минбаъдаи ин навъи варзиш дар кишвар замина гузоранд.
БОЗЁФТ АЗ ГРАНД СЛАМИ ДУШАНБЕ
Дар матлаби мазкур перомуни нафаре ҳарф хоҳем зад, ки ӯ тавонист дар аввалин иштироки худ дар вазни 90 кг ба гирифтани медал мушарраф гардад. Ин нафар Муҳаммадҷон Абдуҷалилзода аст. Қаҳрамони мо тавонист ба ҷавонӣ ва камтаҷрибагии худ нигоҳ накарда, дар муқобили варзишгарони шинохта ва ботаҷриба рақобати арзанда нишон диҳад. Вақте ҳамагон дар мавриди варзишгарони шинохта ва эътимодноки кишвар ҳарф мезаданд, касе сухане аз ин варзишгари ҷавону чолок ба забон намеовард. Ҳатто коршиносони ҷудо низ дар вазни 90 кг ин варзишгарро ба қатори фаворитҳои асосӣ баҳри ба даст овардани медал намедонис-танд. Хулосаи онҳо низ чанд сабаб дошт. Ин сабабҳо агар аз як тараф дар синни кам ва таҷрибаи кофӣ надоштани ин варзишгар бошад, аз тарафи дигар сабаб дар он буд, ки Муҳаммадҷон нав ба вазни 90 кг гузашта буд ва таҷрибаи дар ин вазн рақобат карданро надошт.
Аммо ба ҳамаи ин нигоҳ накарда, ин варзишгар ба худ бовар дошт ва бо матонату иродаи қавӣ ба рақобатҳо шомил мешуд, то баҳри пирӯзӣ талош намояд. Муҳаммадҷон рақобатҳои Гранд Слами Душанберо аз марҳилаи аввал оғоз кард. Қаҳрамони мо дар ин давр муқобили Бакар Эрашвилии гурҷӣ рақобати арзанда нишон дода, ҳарифро шикаст дод ва роҳи худро ба даври дуюм ҳамвор сохт. Дар марҳилаи баъдӣ ҳарифи Муҳаммадҷон намоянда аз Фаронса Паул Ливосли буд, ки варзишгари мо бе мушкилӣ ҳарифи худро мағлуб кард. Ҳамин тавр, варзишгари ҷавони мо роҳ ёфт ба марҳилаи чаҳорякниҳоии сабқати мазкур. Дар ин марҳила ҳарифи ӯ Марсело Гомеси бразилиягӣ гашт. Ин варзишгари бомаҳорату пуртаҷриба низ садди роҳи Муҳаммадҷон гашта натавонист. Рақобати онҳо то ба даври тиллоӣ рафта, билохира варзишгари тоҷик тавонист, бо имтиёзи зебои иппон роҳи худро ба марҳилаи ниманиҳоӣ боз намояд. Аммо, мутаассифона, бахт ба рӯи Муҳаммадҷон дар даври ниманиҳоӣ нахандид. Ӯ дар ин марҳила аз Давид Кламмерти чехӣ мувоҷеҳи шикаст шуда, ба даври тасаллобахш роҳ ёфт. Бо вуҷуди ин ҳама ҷудокори мо дилмонда нагашт ва талош намуд, то ҳадди ақал ба гирифтани медали биринҷӣ даст ёбад. Ҳамин талошҳояш сабаб гашт, то бо шикаст додани ҳарифони худ медали биринҷии рақобатро моли худ намояд.
Ҳангоми пирӯзӣ ва ба даст овардани медал беихтиёр аз чашмони Муҳаммадҷон ашк ҷорӣ шуд. Ин ашки фараҳу шодӣ ва ифтихор аз медали бадастоварда буд. Ҳаводорону мухлисон низ варзишгари тоҷикро бо кафкӯбиҳо табрик мекарданду аҳсану офаринаш мехонданд. Бале, воқеан натиҷаи нишондодаи ин варзишгари меҳан шоёни таҳсин аст. Зеро, чуноне дар боло қайд кардем, ин иштироки аввалини Муҳаммадҷон дар вазни 90 кг буд. Бо он ки аз ҳунару маҳорат ва рафти рақобатҳои варзишгарон дар ин вазн огоҳӣ надошт, ба гирифтани чунин натиҷа даст ёфт.
ФИНАЛИ ТОҶИКОНА ДАР ЧЕМПИОНАТИ ОСИЁ
Муҳаммадҷон Абдуҷалилзода ҳамчунин дар чанде аз сабқатҳои хориҷ аз кишвар низ ба гирифтани нишонҳои назаррас мушарраф шудааст. Беҳтарин дастоварди ӯ дар мусобиқоти берун аз кишвар ин ба даст овардани нишони нуқраи Чемпионати Осиё оид ба ҷудо байни наврасон ва ҷавонон буд, ки соли 2021 дар Лубнон баргузор гашт. Мусобиқаи мазкур аз 2-юм то 5-уми декабри соли 2021 ҷараён гирифта, варзишгарони 17 кишварро гирди ҳам оварда буд. Муҳаммадҷон дар ин мусобиқа зери вазни 81 кг баромад мекард. Ӯ рақобатҳоро аз марҳилаи чаҳорякниҳоӣ оғоз карда, дар марҳилаи аввалин тавонист бо ду имтиёзи вазарӣ варзишгар аз Сурияро шикаст диҳад. Дар рақобати марҳилаи ниманиҳоӣ варзишгари ҷавони кишвар намояндаи Ҳиндустонро бо имтиёзи зебои иппон шикаст дода, роҳи худ-ро ба марҳилаи финалии рақобат ҳамвор сохт. Дар марҳилаи ниҳоии мусобиқа мухлисону ҳаводорони ҷудо шоҳиди финали тоҷикона гаштанд. Дар ин марҳила қаҳрамони мо бо варзишгари дигаре аз Тоҷикистон Шодмон Ризоев баҳри ба даст овардани нишони тилло рақобат намуд. Муҳаммадҷон дар рақобат ба муқобили Шодмон Ризоев ба шикаст мувоҷеҳ шуда, нишони нуқраро ба даст овард. Аммо аз ин чандон нороҳат нашуд. Зеро медали тилло ба хазинаи варзишии Тоҷикистон ворид гардида буд. Дар яке аз суҳбатҳои худ Муҳаммадҷон ин лаҳзаро чунин шарҳ додааст:
“Орзуи гирифтани медали тиллоро доштам. Аммо дар насибам медали нуқра будааст. Ба ҳаминаш ҳам шукр. Ман бештар аз он хушҳолам, ки дар даври ниҳоӣ ҷойи аввалро ҳамватани ман Шодмон соҳиб гашт”.
Қаҳрамони мо ҳамчунин барандаи ду медали биринҷӣ: яке аз Чемпионати Осиё миёни ҷавонон дар соли 2023 ва дигаре аз Ҷоми Осиё миёни ҷавонон дар соли мазкур мебошад. Ин аз шумори дастовардҳои назаррасе буд, ки Муҳаммадҷон ба он ноил гардидааст.
ПИСАРИ ВАРЗИШГАР
Муҳаммадҷон дар оилаи варзишгар ба дунё омадааст. Падари ӯ худ ҷудокор буд. Бо дидани тамринҳои падар меҳри ҷудо дар қалби ӯ ҷо мегирад. Ҳатто баъзе аз ҳаракатҳои падарро омӯхта, дар кӯча бо ҳамсолонаш он усулҳоро меомӯзонид. Дар аввал ӯ ба гӯштини миллӣ шавқу ҳаваси бештар дошт. Ҳамеша интизорӣ мекашид, то фасли баҳор фаро расаду ҷашни Наврӯз оғоз шавад ва мусобиқоти гӯштин баргузор гардад. Дар ҳар як мусобиқаи гӯштине, ки дар наврӯзиҳо баргузор мегашт, Муҳаммадҷон ҳатман иштирокчии он буд. Баъдтар рӯ овард ба гӯштини ҷудо. Аз аввали ба тамрин пардохтан то ба ҳол Муҳаммадҷонро дар ин навъи варзиш Иззат Худоиев роҳнамоӣ мекунад. Қаҳрамони мо зери роҳбарии ин мураббии ҷавону бомаҳорати кишвар тамрин намуда, ба мусобиқоти гуногун омодагӣ мебинад. Муҳаммадҷон дар баробари варзишгар будан, ҳамчунин айни замон донишҷӯ низ мебошад. Ӯ донишҷӯи курси сеюми факултети молияю иқтисоди Донишгоҳи миллии Тоҷикистон аст. Дар баробари Муҳаммадҷон ҳамчунин ду бародараш низ ба варзиш машғуланд. Онҳо низ мехоҳанд идомадиҳандаи касби падар бошанд.
Аз пайдо гаштан ва ба майдони рақобатҳо шомил шудани чунин варзишгарони ҷавону умедбахш метавон ба ояндаи дурахшони ҷудои меҳан назари нек дошт. Ба монанди Муҳаммадҷон боз чандин нафароне ҳастанд, ки дар ин роҳ метавонанд ояндаи дурахшон дош-та бошанд.
Ҳошим РАҲМАТУЛЛОЕВ, “ҶТ”
Хабарҳои дигар
Рӯзнома
Эзоҳи худро нависед