Сокинони  деҳаи Доғистони ноҳияи Шамсиддин Шоҳин соҳиби варзишгоҳи замонавӣ шудаанд ва аз ин баъд метавонанд дар як бинои хуштарҳу замонавӣ ба варзиш машғул шаванд.

Ин толори варзишӣ аз тарафи соҳибкори ҷавон Мустафо Зоиров сохта ба истифода дода шуд.

Дар ифтитоҳи толори варзишӣ раиси ноҳия Зарифзода Почохон Ҳабибуло иштирок намуда, гуфт, ки "Иқдоми соҳибкори ҷавон ҷиҳати дар руҳияи ватандӯстиву ватанпарастӣ тарбия намудани наврасону ҷавонони ноҳия саҳм мегузорад ва ба соҳибкор барои чунин иқдоми созандааш аризи сипос намуд".

Аз ноҳияи Шамсиддини Шоҳин гуфтанд, ки дар ин толори варзишӣ ҷавонон метавонад обу тоби бадан, тамрини гӯштин, валейбол ва дигар намуди варзишро омӯзанд.

Соҳиби толори варзиши шудани сокинони деҳаи дурдасти Доғистон дар "Соли ҷавонон"  ҳадия барои ҷавонони деҳот аст.

Умед МИРЗОЕВ, "ҶТ"