Дар маҳаллаи Cултони Валии ҷамоати шаҳраки Шириншо Шоҳтемури шаҳри Хоруғ бо иштироки раиси ВМКБ Ëдгор Файзов ва роҳбари намояндагии Иттиҳоди Аврупо дар Ҷумҳурии Тоҷикистон, сафир Мэрилин Йосефсон ду майдончаи муосири варзишӣ мавриди баҳрабардорӣ қарор гирифтанд.

Майдончаҳо дар доираи Барномаи “Мусоидат ба сулҳу субот тавассути сохтмони инфросохтори муҳим дар шаҳри Хоруғ бо арзиши лоиҳавии 1.800.000 евро аз ҷониби Иттиҳоди Аврупо, агентии мазкур, Барномаи Ҷонибдории Инкишофи Манотиқи Кӯҳистон ва ҳамкории мақомоти иҷроияи ҳокимияти давлатии вилоят сохта шудаанд.

Мавриди зикр аст, ки бунёди чунин иншоот дар асоси сиёсати “Дарҳои боз” - и Ҳукумати Ҷумҳурии Тоҷикистон рӯи кор омада, сохтмони дигар иншооти муҳими иҷтимоӣ дар вилоят бомаром идома дорад.