Дар муассисаи таҳсилоти миёнаи умумии №13-и  ноҳияи Бобоҷон Ғафуров, санаи 11-уми июн, бо иштироки муовини раиси ноҳия ва дигар масъулин  майдончаи замонавии футбол ба истифода дода шуд.

Майдончаи футбол аз тарафи соҳибкори маҳаллӣ бо тамоми таҷҳизотҳои замонавӣ бунёд гардида, он ҳамчун туҳфа ба наврасону ҷавонон дар арафаи ҷашни Ваҳдати миллӣ мавриди баҳрабардорӣ қарор гирифт.

Ин иқдоми соҳибкор аз ҷониби мақомоти иҷроияи ҳокимияти давлатии ноҳия дастгирӣ ёфта, гуфта шуд, ки танҳо дар соли 2019 боз сохтмони зиёда аз 20 майдончаҳои варзишии замонавӣ ба нақша гирифта шуда, дар давоми сол ба истифода дода мешаванд.