Дар деҳаи Шӯроободи ноҳияи Шамсиддин Шоҳин, 21 июл ҷиҳати тарғиби ташаккули тарзи ҳаёти солим, оммавияти варзиш ва ғамхорӣ ба насли ҷавон майдончаи варзишӣ мавриди баҳрабардорӣ қарор гирифт.
  
Майдончаи мазкур аз тарафи соҳибкори ноҳия Мирмад Зарифов сохта шуда, дар рӯзи ба истифода додани ин майдонча раиси вилояти Хатлон муҳтарам Давлатшоҳ Гулмаҳмадзода иштирок ва суханронӣ намуданд.

Зикр карда шуд, ки Ҳукумати ҷумҳурӣ аз рӯзҳои истиқлолият зери роҳбарии Пешвои миллат, муҳтарам Эмомалӣ Раҳмон, ба ин қишри ояндасози ҷомеа таваҷҷуҳи махсус зоҳир намуда, чандин барномаву санадҳои муҳими давлатиро қабул намуданд.