Раҷаббой Аҳмадзода, раиси вилояти Суғд дар вазъияти тантанавӣ як майдончаи варзишии замонавиро дар шаҳри Конибодом мавриди истифода қарор дод.

Дар маросими ифтитоҳи майдончаи варзишӣ Раиси вилоят бо ёдоварӣ аз таваҷҷуҳи роҳбарияти Ҳукумати мамлакат дар самти бунёди толору майдончаҳои варзишӣ ва тарбияи ҷисмонии наврасону ҷавонон зикр кард, ки имрӯзҳо дар шаҳру ноҳияҳои вилоят сохтмони даҳҳо иншооти варзишӣ ҷараён дорад.

Таъкид карда шуд, ки ба истиқболи 30-солагии Истиқлолияти давлатии Ҷумҳурии Тоҷикистон соли равон дар шаҳру ноҳияҳои вилоят дар маҷмӯъ 103 иншооти гуногуни варзишӣ сохта ва ба истифода дода шуд, ки ба рушди соҳаи варзиш ва таъмини солимии ҷомеа заминаи мусоид фароҳам меоварад.

Майдончаи наве, ки дар шаҳр мавриди истифода қарор гирифт бо саҳми соҳибкори маҳаллӣ Назир Олимов бунёд гардидааст.