Дар арафаи ҷашни Истиқлолияти давлатии Ҷумҳури Тоҷикистон дар деҳаи Мотравни ҷамоати деҳоти Язгуломи ноҳияи Ванҷ толори варзишии замонавӣ барои тамрини ҳамагуна намудҳои гӯштин мавриди баҳрабардорӣ қарор гирифт.

Дар маросими ифтитоҳи он вазири корҳои дохилии кишвар Раҳимзода Рамазон Ҳамро, раиси ноҳия Давлатбибӣ Раҷабова, мудири Бахши кор бо ҷавонон ва варзиш Масрур Ғайратов ва варзишгарону сокинони Ванҷ иштирок намуданд.

Қайд гардид, ки соҳибистиқлолии мамлакат шароиту имкониятҳое фароҳам овард, ки нафақат варзишгарон, балки тамоми сокинон бояд аз онҳо босамар истифода кунанд ва наслҳои ояндаро низ дар рӯҳияи солим тарбия намоянд.