Шиноварони тоҷик Анастасия Тюрина ва Олим Қурбонов, дар Бозиҳои XXXI тобистонаи олимпӣ дар Рио-де-Жанейрои Бразилия иштирок мекунанд .

Квотаҳое, ки дар ин риштаи варзиш ба варзишгарони тоҷик ваъда дода буданд, насиби Анастасия Тюрина ва Олим Қурбоно гардид.

Тавре  Ҳайдар Иброҳимов, раиси Федератсияи шиноварии Тоҷикистон, рӯзи 12 июл ба Озодӣ хабар додааст,  Федератсияи байналмилалии шиноварӣ ба ду варзишгари Тоҷикистон,  Анастасия Тюрина ва Олим Қурбонов ҳаққи иштирок дар Бозиҳои XXXI тобистонаи олимпӣ дар шаҳри Рио-де-Жанейрои Бразилияро додааст.

Ҳарду варзишгарон дар дар олипиада аз рӯи намуди шиноварӣ дар масофаи 50 метр иштирок мекунанд.

Ин ду варзишгар аз рӯи намуди шиноварӣ қаҳрамонҳои бисёркаратаи Тоҷикистон  маҳсуб мешаванд. Соли 2015 Анастасия Тюрина ва Олим Қурбонов дар ҳайати мунтахаби Тоҷикистон дар мусобиқоти қаҳрамонии ҷаҳон оид ба шиноварӣ дар шаҳри Қазони Русия ширкат доштанд.

Ин роҳхатҳои ҳафтумини варзишгарони мамлакат ба Бозиҳои олимпии Рио де Жанейрои Бразил мебошад. Гурзпарто Дилшод Назаров, Даврон Отабоев аз рӯи намуди варзиши сабук, ҷудочиён Комроншоҳи Устопириён ва Муҳаммадмурод Абдураҳмонов, муштзан Анвар Юнусов низ соҳиби роҳхати олимпианд.