Дар боғҳои фарҳангиву фароғатӣ ва марказҳои истироҳативу варзишии шаҳру ноҳияҳои вилояти Суғд машқи пагоҳирӯзӣ доир гардиданд.

Машқҳои мазкур бо ибтикори Раёсати кор бо ҷавонон ва варзиши вилоят гузаронида шуда, дар он 11138 нафар ҷавонон, варзишгарон, кормандони касбу кори гуногун ширкат варзиданд, ки аз он 4248 нафарашон бонувон буданд.

Ба таъкиди масъулин роҳандозӣ намудани машқҳои пагоҳирӯзӣ, ки ҳар ҳафта рӯзҳои шанбе дар маконҳои фарҳангиву варзишии кишвар доир мешаванд, идеаи вазишпарваронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон буда, он дар таҳкими тарзи ҳаёти солим нақши муҳим дорад.