Аз 19-ум то 23-уми май дар шаҳри Абу-Дабии АМА мусобиқаи Қаҳрамонии ҷудои ҷаҳон баргузор мегардад. Дар ин бора Федератсияи ҷаҳонии ҷудо хабар додааст.

Дар мусобиқаи мазкур иштироки беш аз 683 ҷудокор аз 110 кишвари олам дар назар аст, ки аз ин шумора 362 мард ва 321 бону мебошанд. Рақобатҳо аз рӯи 14 вазн сурат гирифта, варзишгарон баҳри ба даст овардани имтиёзҳои олимпӣ миёни ҳам қувваозмоӣ хоҳанд кард.

Мувофиқи итттилои сомонаи IJF дар ин мусобиқа Тоҷикистонро нуҳ ҷудокор – Муҳаммадсолеҳ Қувватов (-60 кг), Обид Ҷебов (-66 кг), Эмомалии Нуралӣ (-66 кг), Беҳрӯз Хоҷазода (-73 кг), Сомон Маҳмадбеков (-81 кг), Комроншоҳ Устопириён (-90 кг), Муҳаммадҷон Абдуҷалилзода (-90 кг), Ҷаҳонгир Маҷидов (-100 кг) ва Темур Раҳимов (+100 кг) намояндагӣ хоҳанд кард.