Бахшида ба “Соли ҷавонон” ва ҷашни Истиқлолияти давлатӣ тибқи лоиҳаи Бахши кор бо ҷавонон ва варзиши шаҳри Кӯлоб зери унвони “Ташаккули тарзи ҳаёти солим” дар ҷамоати деҳоти “Зарбдор”-и шаҳри Кӯлоб мусобиқаҳо аз намуди футболи хурд ва волейбол гузаронида шуд.
Дар ин мусобиқа зиёда аз 200 нафар наврасон аз тамоми ҷамоату деҳоти шаҳри Кӯлоб ба ҳам омада, байни ҳам қувваозмоӣ карданд.
Мақсади гузаронидани мусобиқа, пеш аз ҳама, ҷалби ҷавонон ба варзиш, мустаҳкам намудани алоқаи дӯстӣ байни варзишгарон ва рушди намудҳои футболу волейбол дар шаҳру деҳоти Кӯлоб мебошад.
Ба ғолибони мусобиқа аз ҷониби Кумитаи тадорукот медалу ифтихорнома ва туҳфаҳои хотиравӣ тақдим карда шуд.
Ба андешаи мураббиён роҳандозӣ гардидани чунин мусобиқаҳо аз як тараф ҷалби ҷавонону наврасонро ба варзиш зиёд намояд, аз ҷониби дигар майдонҳои варзишии онҳо бо лавозимоти зарурӣ муҷаҳҳаз гардонида мешаванд.
Ба иттилои масъулини шаҳр дар арафаи ҷашни Истиқлолияти давлатӣ дар ҷамоати мазкур як толори бузурги варзишӣ барои машқу тамрини намудҳои гуногуни гуштин ва майдончаҳои футболу волейбол низ сохта мавриди истифода қарор дода мешаванд.
Умед МИРЗОЕВ, “ҶТ”
Эзоҳи худро нависед